اهديت لك يازين
فهد العلوش10 verses
- 1اهديت لك يازينِ قلبي هديه .. وش عاد تهديني◆يازين لامريتِ سلم عليه .. ياكامل الزيني
- 2لو بصبعك يازينِ رد التحيه .. ياداعج العيني◆كويت قلبي كيةٍ فوق كيه .. من بين ضلعيني
- 3ياروح روحي رد الروحي عليه .. شفت العذابيني◆ارحم تراني زرت حوض المنيه .. والموت قافيني
- 4وإلى ذبحتني بليى خطيه .. وش تستفيديني◆رمح الهواى قاعدٍ له عسكريه .. بين الحجاجيني
- 5فيها صواريخٍ وبها مدفعيه .. لك مستعديني◆رميتني بالفردِ والبندقيه .. يوم انت ترميني
- 6هذي طعونك بينات وخفيه .. يوم انت ترميني◆سلمت روحي رافعٍ لك يديه .. حسب القوانيني
- 7انا صويب وعلتي باطنيه .. محدٍ مداويني◆الا انت يابو قذلةٍ هلهليه .. ادواك يشفيني
- 8ياغصن وردٍ في ذارا ضل فيه .. يشرب من العيني◆يشرب من الشلالِ صبح وعشيه .. بين البساتيني
- 9يابو جديله ليه من فوق ليه .. مجدول سافيني◆امين رب البيت يسخرك ليه .. ايضا قل اميني
- 10ونعيش انا وياكِ عيشه هنيه .. رغم الحسوديني◆ماانساك انا مادامت اروح فيه .. لو كنت ناسيني