ياخوي
فهد السطامي8 verses
- 1ياخوي لا من هب نسناس غربي◆يهزني شوق الحبيب المغادر
- 2الغالي اللي جمر حبه سعر بي◆من غيبته والهم في القلب هادر
- 3اليا ذكرته عفت زادي وشربي◆واهل دمع كنه السيل حادر
- 4كن الزمن ياخوي عقبه غدر بي◆والحزن وسط الروح وارد وصادر
- 5ياخوي لا تشره علي وابتصر بي◆ان كان عندك حل بالحال بادر
- 6دور عليه بكل حي ودربي◆ابو عيون فيه للسحر خادر
- 7ادعج غنج لا مال بان السكر بي◆انا اشهد انه بالحلا حيل نادر
- 8وان ما حصل ياخوي للقبر سر بي◆مالي عزا دونه ولاني بقادر