منك العذر
فزاع8 verses
- 1منـك العـذر لو كـنت زعـلان◆تامـر وانا لك قلـت لبـيـك
- 2ياكـل نـاسي واجمـل انسـان◆كل العمـر يا الـزين يفـديك
- 3تزعـل وانا لك مـوت ولهـان◆ماكـني محبـوبك او اعنيـك
- 4ترضى اعيـش العمـر حـيران◆وانا اللي راحة قلبي في ايديك
- 5لك في الغـلا شيـدت بنـيـان◆لك صـاحب دايـم يـداريـك
- 6يا سلـوتي عن كـل من كـان◆لا تفـتـكـر في يوم ناسيـك
- 7خذ صادق الأحسـاس برهـان◆ما يقبـل مسـاوم و تشكيـك
- 8لأنـك على الفـؤاد سلطــان◆ماقـول غير اللـه يخـلـيك