سالفة صمتي
فائق عبد الجليل37 verses
- 1يلاحقني الورق◆تاخذني هموم الوقت من وقتي
- 2اسكت والسكوت أنتِ◆أحاول والحلول أنتِ
- 3شسولفلك .. وانت سالفة صمتي◆بسمرت الشفايف
- 4بين صمت وصمت◆تحديت الزمن
- 5حتى نساني الوقت◆خطيتك على الإصرار
- 6على التكرار◆وشلتك في سكوت
- 7حبيبة آخر المشوار◆حبي فوق تعريفي
- 8حبي فوق تحريفك وتحريفي◆وأنا ملزوم اتصبر
- 9نسيانك مهو بكيفي◆وعيونك نجوم الليل
- 10كل الليل في صيفي◆أحارب عالم عيونك
- 11أحارب ينكسر سيفي◆أبحر فيك يا حلوة
- 12تغرقني مجاديفي◆أنا بصحرا سكوتي انتحر وحدي
- 13أعاني الصمت◆أعاني الخوف
- 14أعاني وجدك ووجدي◆بهاجر من جديد أبدي
- 15بحارب بالجمر بردي◆بصمم أوفي في وعدي
- 16وأصمم أحكي ما عندي◆ولما يرتفع صوتي
- 17أحيّ حتى الورق ضدي◆أنا المقسوم للسكته أنا المقسوم
- 18أنا العايش .. أنا المعدوم◆أنا غيمة مطر
- 19وأنا العطش كل يوم◆كنت آكل من اشعاري
- 20كنت أشرب من اشعاري◆وكنت أعزم على المقسوم
- 21كنت أتعاطى هم الناس◆كان ( بيتي ) بيوت الناس
- 22وياما بدفتر بيوتي◆طاردني السهر والنوم
- 23وياما بليلي ضاع الليل◆في سكة قمر مهموم
- 24وياما بشعري وأشعاري◆غفت ياما كثير نجوم
- 25أمشي في شوارع ليل◆غريب حتى عن ثيابي
- 26غريب حتى عن احساسي◆أضيع في غربة الألوان
- 27أسير الصمت وأعصابي◆أضيع تحت المطر غابة
- 28ارفضتني أصغر أعشابي◆أضيع مثل الطفل في البر
- 29حزن الليل ألعابي◆أمشي .. أمشي .. طول الليل
- 30الماضي يوقفني◆الذكرى تصادفني
- 31تتعب مني أتعابي◆يبكي دربي وترابي
- 32أنا أول شجر◆أغصانه ممنوعه
- 33يشرب من دموعه◆يهاجر ظلي من تحتي
- 34يترك صوتي حنجرتي◆تصير السكتة مشروعة
- 35وبين الهجرة والهجرة◆يموت الحب من جوعه
- 36وتبكي خطوة عيوني◆تبكي .. تبكي مخدوعه
- 37أحاول امشي واتردد◆جميع دروبي مقطوعه