استاهل اللي يجيني
عوض الحارثي8 verses
- 1لا صار قبل اول لقاء الف ميعاد◆في وسط فرح اول لقاء وادعيني
- 2ولا صرت انا همك ودمي لك امداد◆خطي همومك بالورق وادفنيني
- 3وان كان نفسي عافت الشرب والزاد◆بأسباب بعدك طولي واقتليني
- 4واقسي ترا قلبي على ظلمك اعتاد◆لا تضعفك دمعة ٍ بكت وسط عيني
- 5انا شهودي بالهوى هم واسهاد◆وقلباً لغيرك ما وفى صدقيني
- 6وانتي شهودك بالجفا هجر وعناد◆وجحود حب ٍ كان بينك وبيني
- 7لاشك تعذيبي مع البعد يزداد◆وماظن ترضيلي الألم لو تبيني
- 8من قبل ما ينطق بها لسان حساد◆اقولها استاهل اللي يجيني