لي قلب
علي مساعد9 verses
- 1ايه لي قلب يصبر و لي أماني كثير◆و لي هقاوي بنفسي تهت بحسابها
- 2لو نشف دم وجهي وصار ما لا يصير◆والله إني لا أتل الروح وأرقى بها
- 3لي طموحات تدفعني لدرب المسير◆و العزيمه حياتي و أتحلا بها
- 4ما طلبتك محال و لا طلبت العسير◆كل ما أبيه نفسي تبري صوابها
- 5حس يا ابن الحلال و خل عندك ضمير◆لي أحاسيس يا مخلوق تهلى بها
- 6العما ما يدل الدرب مثل البصير◆وإنت عامي شعور وحالك أدرى بها
- 7لو نبت خدّك الورد و غشاه العبير◆ما تشيلك عيون تحرق أهدابها
- 8قادر الله يشفي كل جرحٍ خطير◆لو جروح الليالي تتعب أصحابها
- 9ايه لي قلب عانا منك شيٍ كثير◆و لك بحقي خطايا تهت بحسابها