كويتية
علي مساعد9 verses
- 1حرقتي أعصاب أعصابي دخيل الله◆جنون .. غيره على هالحال يوميّه
- 2لا من زعلتي قلبتي عالمي كلّه◆و عيوب خلق الله تحطينها فيّه
- 3و لامن رضيتي تناديني هلا والله◆دنياي عقبك ((علي مساعد)) رماديّه
- 4أكيد بك شي أو تشكين من علّه◆لا مستحيل إنتِ إنسانه طبيعيّه ؟!
- 5يا ليلي الليل .. لا شفتي علي زلّه◆ساعتها أكره حيات الناس موليّه
- 6طلعتي الشيب في راسي قبل حلّه◆أنا أصبغ الشيب و إنتِ توّك بنيّه
- 7قلبك و أعرفه ضعيف يخاف من ظلّه◆لكن معي .. تركبك مليون جنيّه
- 8يا ناس دربي عجزت ألقاه و أدلّه◆هالبنت ماهي طبيعيه .. خياليه
- 9لا قلت وش فيه ؟! عقلك صابته خفّه◆قالت و هي تلتفت كيفي كويتيّه