عين جرحي
علي مساعد8 verses
- 1غصب على عين جرحي اقبل اعذارك◆و اسامحك لو نهتني عزتي دونك
- 2كثر الخطايا بحقي زاد مقدارك◆مع كل هذا واخاف تخونك ظنونك
- 3لا ترتبك لا تحاول تفضح اسرارك◆اقراك كلك على بعضك من عيونك
- 4يا حلو طيشك مع عنادك مع اصرارك◆يا قو باسك وبنفس الوقت اهونك
- 5مع كل طاري تجيني اخر اخبارك◆واذا نسيتك تذكرني بك طعونك
- 6لا جيت باختار غيرك ارجع اختارك◆ولا جيت اخونك ازيدك عشق واصونك
- 7عندي خبر جنتي هي بالهوس نارك◆بالظبط فيني جنون يشبه جنونك
- 8اترك خطاياك واترك عنك اعذارك◆انسى عذابي وقلي انت وشلونك