تذكرته مع النسمه
عبد الله هادي سبيت25 verses
- 1تذكرته مع النسمه◆تذكرته مع النسمة وشعره ذي يطير
- 2ويده يوم ما تمسك على ذاك الحرير◆وشفته شوف قدامي .. وقلبي للقا ظامي
- 3فؤادي من دموعي اشرب◆الا لما متى يبعد وهو مني قريب
- 4تذكرته وشفته شوف من بين الدموع◆وهذا القلب قلبته على نار الضلوع
- 5وطار النوم من عيني .. وهو وينه وانا ويني◆بعيد عني وهو أقرب
- 6تذكرته وانا ذي عشت عاشق للجمال◆وذاك الجفن ذي فاعل على خده ظلال
- 7وذاك الروح في المبسم .. كأنه قلب يقطر دم◆عجائب والهوى أعجب
- 8تذكرته وذاك الورد ذي هو في الخدود◆وذاك الصدر ذي قد ضاق ما بين النهود
- 9وذاك المرمر الأبيض .. على النهدين قد عرض◆يخلي مهجتي تلهب
- 10تذكرته تذكرته وعمري با اذكره◆ومهما حجبوه مني بقلبي با انظره
- 11ما انى يوم عنده .. وزاد الدم في خده◆وخلى القلب يتوثب
- 12وما بانسى القمر ذي كان سامر في سماه◆ونحن بس نجي ونسبح في ضياه
- 13مسا يشتكي على النجمة .. ويشرح بعض من همه◆عجب حتى القمر قد حب
- 14فسبحان الذي سواه فتنة للعقول◆ويا من شاهده هيهات من سهمه يفول
- 15يشوفه حيثما ولى .. ولا يفرح ولا يسلى◆ولا شافه رجع يطرب
- 16وسبحان الذي أنعم على من يشهده◆وخلى في جماله خلقه عباده تعبده
- 17عبدناه في جمال خلقه .. ويا من حب من صدقه◆إلى الرحمن يتقرب
- 18تذكرته مع النسمه و شعره با يطير◆و يده يوم ما تلمس على ذاك الحرير
- 19و شفته ساري قدامي ..◆و قلبي للقا ظامي ..
- 20بعد عني وهو مني قريب◆تذكرته و شفته شوف من بين الدموع
- 21وذاك القلب قلبته على نار الضلوع◆و طار النوم من عيني ..
- 22و هو وينه و انا ويني ..◆فؤادي من دموعه في لهيب
- 23تذكرته و ذاك السحر إللي في العيون◆و فمه ذا يقول للقلب كم عاشق يهون
- 24و ذاك الريق في المبسم ..◆كأنه قلب يقطر دم ..
- 25
عجايب و الهوى أعجب