فرحة وطن

عبد الله الشريف

119 verses

Save as image

1
فرحة وطن (اوبريت)◆عنوان الكتاب:
2
الحمد لله ع السلامه يا ملك◆يا اغلى ملك واطيب واعدل ملك
3
إذا سلمت إنا جميعا سالمين◆وإذا غنمت إنا جميعا غانمين
4
ما قلت لك؟◆سلامتك فرحة وطن .. فرحة رجال مخلصين
5
كأننا روح وبدن .. كأننا رمش وعين◆في غيبتك كنا معك .. تحمل هموم المسلمين
6
لله درك ما أروعك .. تبني الوطن دنيا ودين◆دامك بخير احنا بخير
7
أضنى الجسد عزم كبير◆عزم يحقق منجزات
8
عزم يروض معجزات◆عزم جعل من دارنا دار الوفا بأمن وأمان
9
لا ينحني للمستحيل ولا يغـيـره الزمان◆هذي بلادي في نعيم
10
أنت الكريم ابن الكريم◆وفي حمى الدين القويم
11
وعزمكم يا اغلى زعيم◆هاذي بلادي الغاليه .. ترقى على هام السحاب
12
وكلنا مثل الحروف .. ودارنا مثل الكتاب◆الله يطمــنا عليك
13
ويحفظك يا اغلى مليك◆وتدوم عنوان الكتاب .. وتدوم عنوان الكتاب
14
عادت البسمة:◆عاد أبو متعب وعادت البسمه
15
غردي يا قوافي الولا باسمه◆غردي باسم ابو متعب الغالي
16
يوم عاد الملك هـز وجداني◆منظر الشعب في كل ميداني
17
صورة خالدة عبر الأجيالِ◆يحمل همومنا واحتمل همه
18
واتعبت ظهر ابو متعب الهمه◆همة ترفع اسم الوطن عالي
19
كل من يطلب المجد وصاني◆قال ابو متعب أهلي وعنواني
20
عاد تاجي على الراس وعقالي◆يجمع الشمل ع الخير ويلمه
21
يامن السفح ما دامت القمه◆دام راس الجبل عز وظلالي
22
جمع قلوبنا قاصي وداني◆والوطن ذخره القايد الباني
23
دام ذخر الوطن طيب الفال◆عاد بالخير والخير في دمه
24
دامه بخير فالشعب في نعمه◆حقق آمال وآمال وآمالِ
25
الله الله يا عــين الاعــياني◆أثمرت في الوطن كل الأغصان
26
وانت راعي الوفا باول وتالي◆ســيــدي كــلنا كلــنا يمه
27
كــنــه البحــر والدر في يمــه◆عزوة الشعب في كل الأحوالِ
28
باسم أبو متعب أردد ألحاني◆اسمــه يهــزني فخر وأشجاني
29
وانتشي قبل ما أجر موالي◆بلادي بلاد الخيـر ورجالها الأخيار
30
ونبع الهدى مكة ونور الهدى طيبة◆ومن له وطن قبل ثرى موطنه لو جار
31
وأنا شامخ في موطن العز والهيبة◆هذا وطنا والوطن غالي
32
واللي يخونه ما يخاف الله◆ولحن الوطن يطرب له البحر والبحار
33
وانا آقف على الساحل وأغني ولا لي به◆ولا غير لحنك يا وطن يطرب السمار
34
ولا اسمع لشعر ما سجـع بك ولا لي به◆لهذا الوطن ما يحمل الصقر للصقار
35
وله في حياتي نبض قلبي ولا ريبه◆نظمنا القوافي يا وطن سمها واختار
36
ومن يعــشق الغــالي يلبي مطاليبه◆أحبه سما وارض واحبه سحب وامطار
37
واحبه هجير وبرد واختم قصيدي به◆أحبه شموس وظل .. أحبه قرى وقفار
38
وأحبه كــريم وافــتخـر في تراحــيبه◆أحبه نهار وليل .. أحبه عطا واصرار
39
أحبه قمر يضوي على الكون واسري به◆أحب السعودية ونعم الوطن والدار
40
ومن هام باسم يعتزي به يغني به◆يا هذه الدنيا اسمعي:
41
يا هـذي الدنيـا اسمعي صوت من الصحرا يقول◆الله يعـزك يا ملك والله يعز المملكة
42
صوت تلا المصحف وكبر ثم صلى عالرسول◆ويستمع هذا الزمن لاطيب كلامه وأبركه
43
نعم نعم هذا السعودي يمتـطي الحكمة ذلـول◆وكل درب فيه خـير وفيه عز يسلكه
44
هذا السعودي عادته ما يقبل أنصاف الحلول◆ويجود إذا نادى الندا بالروح واللي يملكه
45
يا هـذه الدنيا اسمعي واستلهمي منا دروس◆هذي الديار الطاهرة لاسمى المبادي مدرسة
46
لا نا كبار كبار ما نسمع من صغار النفوس◆ولا تغير شعـبـنا الوافي عـقول مفلسة
47
وامسى السعودي هامته مرفوعة وأمست عـروس◆تلبس ثياب العز في يوم الوفا وتلبسه
48
ومن ربيت بحضنها ما مر بي يوم عبوس◆عين الملك تحرس مكاسبها وربي يحرسه
49
يا هـــذه الدنيـــا اسمعي وشــاهدي هـذي الجموع◆هذي الجـــــموع أهـــل الولا قامــت تسطر ملحمة
50
وعـــاد قلبك يا وطـــن واستبــشرت فيه الضـلـوع◆وعاد بـــدرك يا وطـــن واستبـــشرت فيه أنجــمه
51
واستبـــــشرت كــل المــدن كل القـرى كل الربوع◆حتـى خـوي الشعــر يستـبشر بعــودة ملهـمه
52
وعــاد أبــو متعب وعاد السعد واوقدنا الشموع◆حتى الرضيــع استبــشر وتسمــع قصـيده تمتـمة
53
الديـــار الحـبـيــبــــة:◆لله درك يـــا الــديـــــــار الحــبــــيـــــــبــة
54
لله درك يــــــا ديـــــار الصـــــنـــاديــــــــد◆يا ديـــرة مــن كل خــــــيـــر قـريـــبـــــــة
55
بينــك وبيـــن المجـــد ود ومـواعــيـــــــد◆أنا آتـــغـــنى بالـــفــــيــــافي الرحــــيبــة
56
وبالجــــبل والتــــل والســهـــــل والبــيــد◆نعــم عجــيــــبة يا بـــــــلادي عـــجــيبـة
57
لو تنقص الدنيـــا تــــرى مجــدك يــزيـــد◆اسمك يشرفني عــريــــب وعــــريــبــــة
58
ويطــــرب آذانــي وانــا ازيـــد واعــيـــــد◆أحلـــى من المــا ع الظما وانتشــي بـــه
59
واحلى من احلى الشهد واغلى من الغيــد◆يفـــديك مــــنا في نـــهـــار العــصـــيبـة
60
الشيـــــخ والشـــبل الفتــــي والمــواليـــد◆يا الاجــــــــودية مـــنك ما هــي غـريبة
61
ما تنــجــبــين إلا نشـــــامى واجــــاويــد◆الايـــام تـــــزهـــو والليـــالي مـنـيبــــة
62
وكــــل يـــوم في رحــــابـك لنـــا عـــيــد◆هـــذي السعـــودية ديــــاري الحبيبـــــة
63
هــــذي السـعــــودية عـــــرين الصناديد◆عاد أبو متعب:
64
يا ملكــنا دام عـزك يا ملكنا◆يا مليــك بالمــحــبة يمــتلـكنا
65
تفتديك أرواحنا واللي ملكنا◆لأمركم يا سيدي سمع وطاعة
66
نحمد الله جت على ما تمنى◆عاد أبو متعب ورفرف علمها
67
يا مليك غايته للشعــب غــايه◆كلنا في شور أبو متعـــب ورايه
68
رايته ما مثلها في الكون رايه◆واجتمع في سيدي حلم شجاعة
69
دام سلــطـان الكــرم دام عـزه◆دام شــامخ والزمـن ما يهزه
70
مثــل سيـــف والـــم كل حـزه◆والوفا لاغلى ملك من طباعه
71
والوطن يامن على حس نايف◆عزوتــه في كل سهــل ونايف
72
مملكــتنا بامن والكـون خايف◆من نوى بالغدر ننزع قنـــاعه
73
والسعودي يرفع الراس عالي◆يشكر المولى ويرقى المعـــالي
74
ما يحــب الا كريـــم الفعــالي◆لامر أبو متعب يشــمـر ذراعه
75
ســـلامتــك يا طـيب القــلب والـفـال◆واقبــل من اللي يرفــع الصـوت عـذره
76
من فــرحته ما بين عرضة ومــــوال◆يشيــل شطـــر البيــت ويضيــع شطـره
77
فرحــة وطــن رجـال وجبال ورمـال◆ما احلــى الوطـــن وبسمـته فوق ثغـره
78
غــنــى لبــو متعـــب مقــيم ورحـال◆واستلهــموا من سيـــرته كـــل فكــــره
79
إن قــال أبــو متعـــب تبينت ما قـال◆وإذا مضـــى كـــن الزمن يتبــــع اثــره
80
من ينتظر غالي نظم شعــر وأمـثال◆والمنـــتـــظــر والله مــــا مـــل صــبره
81
يا خــادم البيتــين يـــا ذرب الأفعال◆لا بــاس يا مـــن يرفــــع الراس ذكـره
82
تعــيــش تبنـــي مجـد وتحقق آمال◆تعـــيش تفـــعل خيـــر وتفــك عــسـره
83
ودمــت شــامخ يا جبل عز وظـلال◆تامـــن بعــــزك يـــا جـــــبل كــــل ذره
84
ولو تشوف الشوق بعـيون الأطفال◆قــريــت حــب وود فــي كـــل نظـــــره
85
اسمع القــصة وحدث عـن بطلـها◆والبطــل عبد العــزيز بـــلا جــدال
86
يوم عمــر سهلها وأمــن جــبلـها◆واحتـــواها باربعيــن من الرجـال
87
روض الصحــرا ولبســـها حلـلها◆والجبال الشــــم لبســـها عــقـــال
88
ذاك أبو تــركي متى مالت عدلـها◆في نهار الضيق يرقى ع المحــال
89
جانــح للســلم وان قــامت نزلـها◆فارس يغــشى الوغى يوم النـزال
90
يا بــلاد تفـتخـــر فيـــنا واملـــهـا◆إن فيــنا مــنك يالغــــالي خصــال
91
كلنا نمــضي على دربك وســلـها◆أنت فينا وان رحلت أسمى مثــال
92
السعودي لي نوى القمة وصلهـا◆بينه وبين القمـم شوق ووصــال
93
السعودي لو حكى قــال وفعــلهـا◆وان صمت صمته تأمل وابتهــال
94
ما تبــي غيــره ولا يرضى بدلها◆الوفــا بيــنه وبـين أرضـه سجال
95
غازل أرض يرفع الهامة غزلهـا◆ما تعــكر صفــوهم ســود اللـيال
96
اسألوا التاريخ عن دار واهــلهـا◆ظـلهـم لــي جــارت الدنيـا ظـلال
97
موطني الغالي العزيز:◆اسمع اسمع يا وطن صوت ونغم
98
نستمده منك والمعدن ثمين◆وارفع الراية ورفرف يا علم
99
راية التوحيد دستور ويقين◆موطني الغــالي العزيز
100
وحــــده عبدالعــزيــــز◆موطني الكنــز الكـنيـز
101
وذخـــر كل المسـلمين◆مسلمين ونشكر الله عالنعم
102
والله اللي عزنا دنيا ودين◆وان ينادينا الوطن قلنا نعم
103
غانم ينخى رجال غانمين◆موطني هامة بنى فينا الهمم
104
من يشيل اسمه وقف عالي الجبين◆موطني قمة جعل منا قمم
105
كلنا باسمه قمم حتى الجنين◆موطني الشيمة وحنا أهل الشيم
106
ما تغير شيمة الحر السنين◆موطني قيمة وحنا أهل القيم
107
ما ركعنا إلا لرب العالمين◆حن هل العوجا وحنا أهل القلم
108
صمتنا معنى ومنهجنا معين◆سادة الصحرا وخدام الحرم
109
عزنا بالله وعزوتنا العرين◆اللوحة الختامية «العرضة»:
110
سلام لك يا موطني يا شوف عيني سلام◆من ديــــرة تعــتز بك وأعلامك أعــلامها
111
كريم سبلا يا وطن ما تنجب إلا كـــــرام◆وأغلى الرجال رضاك عنها غاية إكرامها
112
يهنا عيوني ع الرمال الصفر حلو المنام◆وان هبت ارياح المطر تنعشني أنسامها
113
وأفز لي غنت على الطاروق ورقا الحمام◆وأجر صوتي مثلــها وأتــرجم أنغــامـهـا
114
ونعشق الصحـرا وتعشــقنا بليــا فــطــام◆ما تفطم إلا من يخون وما أصعب فطامها
115
نبني القصور الشامخات ولا نسينا الخيام◆كم فـــارس صنــديد ربــت عوده خيامها
116
هيبتك هيبة يا وطن تسكت وصمتك كلام◆وأهل الحكم يا موطني من وحيك الهامها
117
أنت الجبل يا عزوتي وأنت الجمل والسنام◆والنــاس تحــلم بالــرخا وتحقق أحلامها
118
اقصد على طاريك واغني وأشد الحزام◆ما تنحني الهامات أبد وحزامك حزامها
119
هذا الوطن هذي بلادي والهوى والغرام◆هذي السعــودية عسى الله يسعــد أيامها