حبه حبه
عبد السلام بن سوار6 verses
- 1حبه حبه راح اعذبك .. راح اذوب فيني قلبك◆راح احرك كل شعورك .. لين ماتقول انا احبك
- 2باخذ يديك فيديني .. واروي قلبك من حنيني◆دامي ميت في عيونك .. لازم انت تموت فيني
- 3بكره تشتاق وتنادي .. تموت لو طول بعادي◆تدري ان حبي في قلبك .. حبي ماهو بحب عادي
- 4تكتب اسمي في يدينك .. صورتي بتسكن في عينك◆تدعي ربي لا يفرق .. بالهوى بيني وبينك
- 5كانك بسمعني كانك .. حبني وعطني حنانك◆انا في روحك مكاني .. وانت في روحي مكانك
- 6دقه دقه بوسط قلبك .. انا احساسك ونبضك◆حبه حبه ياحبيبي .. لين ماتقول انا احبك