الحب مات
عاطف الجندى42 verses
- 1لما دقيت ع البيبانْ◆اترسم فرح ف وشوشنا
- 2بعد غيبه وبعد وحْشه◆فين يا راجل كنت غايبْ
- 3اتنين حبايب◆يللا إدخل
- 4دفِّى صدرى و دفِّى عمرى◆خلى دم عروقى يجرى
- 5جات معاك الفرحه لابسه◆والزينات ماليه الشوارعْ
- 6فى المدن أو فى النجوعْ◆والله جوعنا لذكرياتكْ
- 7كل الحروب اللى ف يمينكْ◆لابسه فرحة الانتصارْ
- 8والله "بدر" ف عز تِمُّهْ◆جايب القرآن وقدرك
- 9من الشهور اللى ف قدرنا◆الولاد لما رأوكْ
- 10علقوا الفرحه ف عينيهم◆لبسوا أجمل
- 11ما ف ضميرهم◆فى اليمين سبحه بتضحك
- 12ماسكين فانوسْ◆وآنا لسَّه كنت باحبى
- 13قالوا عنَّك 00◆يطرح السلامات ، يعافى ع الجميعْ
- 14وف عينيه الرحمه باينه◆جاى يسلسل فى المواجع 00
- 15بدِّل الأحزان 00 ربيعْ◆بسِّ فيه حاجه هاقولها
- 16وتقول لى ليه◆شفت حالنا يا ابن عمى
- 17جرى له أيه؟!◆اللى يأكل حق أخوه
- 18و اللى يقتل أمه◆ويحلِّى بأبوه
- 19و اللى يتمسِّك بدينه◆فى الزمان دا
- 20نقول 00 خدوه !◆و المصيبه ف كل حتَّه من عالمنا
- 21فى الحروب بيسلسلوه◆فين شمالك أو جنوبكْ
- 22كله بيقول 00 اقتلوه◆اللى يذكر اسم أحمد
- 23اللى قال الرب واحد◆مِشْ يهوذا00
- 24كل حته فيها أقصى◆وجرح نازف بينادى لنا
- 25إحنا خلق كتير ولكن◆ضاع إيماننا بالقضيه
- 26ضعفنا خلانا تورته◆خد له حته م الصينيه
- 27فين يا خالد◆سيفك المسلول 00 وحَشْنا
- 28قوم يا عمرو◆وخد بإيدك بندقيه
- 29أبو بكر يلّبِى صوتك◆و اولاد أميَّه
- 30حالنا محتاج الصحابه◆يأدبوا كلاب البريه
- 31يمسحوا الدمعه اللى باتت◆فى عيون الضاد
- 32دمعة الأقصى اللى عاشت◆تحت ضرب المدفعيه
- 33زى غابه صار عالمنا◆والقوى هو اللى يكسب
- 34و اللى يفرض كلمته◆والكون ده يصبح عزبته
- 35و احنا العبيد◆أما الجياع
- 36ما يسووا حاجه◆ماعلشّى فتَّحت المواجعْ
- 37يا ابن عمى◆ياللى همَّك نفس همِّى
- 38و انت عارف◆لسَّه جوه ضلوعى ساكن
- 39رغم كمِّ المشكلات◆و الشِّويه اللى تجيهم
- 40يبقوا أجمل ذكريات◆بالحب ماشى
- 41يصحِّى فينا كتير حاجات◆السلام يا صاحبى وأوعى
- 42بعدك انتَ الحب مات !◆الحب مات !