ودعـتها
طلال السعيد13 verses
- 1ودعتها واخـفيت عـنها دموعي◆خـايف تـحس بحسـرتي والتياعي
- 2ودعتها والقلب مني جزوعي◆جزعٍ من الفرقا قـليل المساعي
- 3حـيث الفراق لمن تولع يلوعي◆لوعات فرقاء ماوراها اجتماعي
- 4في لحظة التوديع هديت روعي◆بيني وبين النفس قـمة صراعي
- 5اخفيت مـا حسيت بين الظلوعي◆خايف عـليها لا تحس بضياعي
- 6قالت فمان الله وانطر رجوعي◆واشـرت بالتوديع حـال استماعي
- 7ساكت ولارديت ماهي طبوعي◆مـن عـبرتي تـفرض عـلي امتناعي
- 8حان الرحيل وحان وقت الفجوعي◆واقفت وأنا عـيني عـليها تراعي
- 9بين الرجا واليأس صـبري يموعي◆عـلى الوداع اشـلون قلبي استطاعي
- 10من عقبها اسهر مسندي راس كوعي◆لأنام خالي البال تميت واعـي
- 11تومي بي الحسرات من غير طوعي◆هـذا الغلا ماهـو غـرام صـناعي
- 12اقنب كما ذيبٍ تقفاه جوعي◆لامن ذكرت فـراق حلو الطباعي
- 13اللي لاجله هـان عـندي خضوعي◆والله مانسـى دمعته في وداعـي