ياطاهرة
طلال الرشيد9 verses
- 1يا بنت أنا ماني كذا .. و ظنونك تكـذّب عليـك◆كلّي عيوب و ما قوت تخجلني ظنونـك وأتـوب
- 2أكذب عليك و دوم أخونك و ألبس الأبيض و أجيك◆و أعشق معك ألفين وجه و يمتلي صدري قلـوب
- 3أحلى الكلام أقول لـك لـو قلتـه البـارح لذيـك◆ياقف على شفاهي معك مراهـقٍ صـبٍّ لعـوب
- 4أكذب و لا أدري ليه أكذب أعشقك مـاأرتجيـك◆أخاف من صدق الحقيقة في الهروب من الهـروب
- 5و الله أحبك و أعشقك و أعرف زمان لـي أبيـك◆لكنهـا هـذي الحيـاة اتعلمـت منـا الـذنـوب
- 6العين عجزت تعتقـك .. القلـب عيـا يشتريـك◆في السجن خيّالٍ وفي .. في الصدر رجالٍ كـذوب
- 7هذي الحقيقة ما يجي في الكون أطهر مـن يديـك◆و أنا الذي أنقض وضوء الغيم و الماء و الهبـوب
- 8أنقض عيوبي فوق متني و انتي لعيبـك شريـك◆و باكر تبسم لي وجيـهٍ لـك يعبّسهـا الشحـوب
- 9يا طاهرة حنـا كـذا و المظهـر يكـذّب عليـك◆يمكن يجي يومٍ يجي نخجل من ظنونك ..نتـوب