رسالة .. إلى صديق الطفولة
طلال الرشيد11 verses
- 1صديق الطفولة وش جرى لك مع الأيام◆هـي أنصفت دنياك والا أنت بك مثلي
- 2فقدنا ملامحنا مثل سـايرالأنام◆عبث بنا جور الزمن والزمن يبلي
- 3وقفنا جميع وبيننا حاجز الأعوام◆صعيب ٍوصولي لك.. ويا صعب لك وصلي
- 4وأنا اشوف في وجهك طريق غشاه عتام◆وذاك النخل واشوف دارك ودار أهـلي
- 5وسدره.. هي أكرم من أهل بيتها اللوام◆وفي وجهك أصحابي.. عصى مدرسي.. وفصلي
- 6وعود ٍ كبير ودايم ٍفالظلال ينام◆فـي ذكرياتي له بعد ملمح وجلي
- 7وسـور كتبنا فيه ذكرى عبث وأوهام◆ولي في عيونك صـورة زانهاجهلي
- 8بثوب تبلل بالمطر والتراب وشـام◆وأنا حب أسيرالْعَب وهـي حافيه رجلي
- 9أنا وانت طفل وطفل دايم رضـى وخصـام◆بكانا سهل والضحكة أمرٍ بعد سهلي
- 10دعاني بوجهك ناده ٍ ينده الأحلام◆معه رمح مدري هو علي غاضـب..أولجلي
- 11أنا كيف أباصل والأمل خلـف مو قدام◆كثير الأسـى والسِّهد يا من فعل فعلي