ضاق صدري
صباح الناصر الصباح8 verses
- 1ضاق صدري البارحه تالي الليل◆ضاقت الدنيا بعيني جفاني النوم
- 2اثر بقلبي كلامك وهدلي الحيل◆قامت اضلوعي اتراعد كني مسموم
- 3الدنيا ماتسوى تشيل الهم والويل◆لما تضايق احسك حيل ِ مهموم
- 4شالت الدنيا وحطت فيني كالسيل◆انت راس الناس وانت سيد القوم
- 5انت يا عشق البداوه للقهوه والهيل◆الدنيا تفرح بشوفتك والكل مغروم
- 6عيش وتهنى بحياتك يا فارس الخيل◆ولا يهمك حاسدينك واللي يلوم
- 7انا عزيتك وربي واعشقك حيل◆مااترجى شي منك دايم الدوم
- 8انت تسوى لك مدينه يضوى سهيل◆وانت راعي الأوله والأمس واليوم