بنت ويتيمه
صالح العبد الله9 verses
- 1بنت ويتيمه◆بنت ويتيمه عايشه في بيت الاقراب
- 2رغم انهم اقراب لاكن يتيمه◆تضحك ودمع العين يسكن بالاهداب
- 3في عمرها الافراح اكبر جريمه◆تفتح لها ابواب وتتقفل ابواب
- 4فيها جروح احباب والله اليمه◆تشكي قساة الحظ مع قل الاصحاب
- 5حزن الالم فيها بنا بيت خيمه◆حتى شعرها من عنا جرحها شاب
- 6تحيى على ذكرى الاماني القديمه◆ذكرى ابوها وامها عز الاحباب
- 7ماتوا وخلوها وحيده سقيمه◆العم ظالمها حسيبه والاقراب
- 8عاشت معاهم للاسف دون قيمه◆والله يسامح من ظلم قلبها الشاب
- 9واللي تركها تعيش عنده يتيمه◆صارت يتيمه عايشه ببيت الاقراب