من بعد هذا الحول
صالح السنيدي27 verses
- 1عاينت بسمات البروق المخايل◆بين النواص البيض والمد هايل
- 2نوازلِ ف الشهب والنجم عرشت◆دلحٍ تثج الغيم والشور مايل
- 3توالفت دهمِ وداجِ مثعبه◆مثل البهيم الليل والبحر ضايل
- 4فيها بتسام النو والرعد موحل◆تنكل حباب الغيث والفج سايل
- 5واقول يا سحم الثعالب من دعا◆كفي اليمين وما عطيت القلايل
- 6وخط في صفح الرمال ومد لي◆كن الودع ما شاف غير المسايل
- 7وتلألأت فيها الحصاب وشعلت◆واقول يا مشكاي للشيب زايل
- 8عشرين عام بالوفا باذخ الود◆انشل شراع الحرف عن كل غايل
- 9من بعد هذا الحول معد مجنى◆لا صاحبٍ صادق ولا كنز طايل
- 10صديقيا قوما نادلي بالشعر حَدّْ◆كريم المحيا وساحةٍ للفضايل
- 11وفاء وكتسا من ضافي الجود كلما◆زاد الوطى حرفه رفيع الشمايل
- 12ألا وخلي قلبي ودمعي منالبكى◆من ضحكت النوار ومد الوشايل
- 13رعى الله أيام الحروف أللي روة◆من صافي الاشعار ديم ومخايل
- 14فيها تروز الناس من كل ملفي◆قدرٍ عرفت وقدر ما فلت حايل
- 15وقدرٍ عظيم الشان من شع نوره◆في ذكره الوافي كتبت المثايل
- 16ومنهم نسى المعروف ويذم غيره◆لا جار يسخيله وساق الرذايل
- 17وفيهم وفي الطبع عالي مقامه◆أريبٍ عريبٍ كافي الطبع وايل
- 18في بحره الجودي جواري مالعطا◆يهمس ف آذن الجود فود الاصايل
- 19حشيمٍ عفيفٍ سيف يمناه يشفي◆يشفي عدوٍ عن فضاض الفعايل
- 20وشمنا وزرنا من قريب وجنبي◆وللساحة الكبرى حروب وهوايل
- 21تلقى عدوٍ والسبب وش عداوته◆وتلقى صديق الصدق وتقول عايل
- 22أتخالفت فيها الأمور وهولت◆ومن كشرت سلمى جفتك الوسائل
- 23ما عد تثني لك دورب ويا فتى◆حمل عليها وفك خطم الذلايل
- 24ونيع لدارٍ ما بها غير مفلى◆أو بطن وادي مورفٍ بالظلايل
- 25وسكن براس النبع وشرب زلاله◆خلي الكدر للغيل إن كنت سايل
- 26يا لابت الاشعار قوموا على الرشا◆الشعر شد ضعون يبغى الاوايل
- 27يبغى أحترام الذات ويمد صدرة◆والعجز يضويه شراك الحبايل