على سنة الله
صالح السنيدي16 verses
- 1نادت فلول السحب وتمايل الخيل◆وزمجر رعدها ما بقى كود ملّه
- 2وحطت رياح الصيف بالبحر قنديل◆ما شافها غير الذي مستملّه
- 3وتلاطمت أمواج منها ولا شيل◆أصداف جوهر ما لها غير مثله
- 4وتثاقل الميزان بالشعر تهليل◆منبع هل الطولات غرسه وفسله
- 5الله من يركن على البدو ويميل◆عز الله أنه ساندٍ في جبلّه
- 6وأنا أنتخي لك بَ جّود الشعر بالحيل◆وأشدّ لك زمْلٍ وأنا أزيد بذله
- 7وان كان صحرا الحب يبست من السيل◆ننثر دروب الحب ونجيب نجله
- 8وانحول القمرا على كفها ديل◆ونربّع الدنيا على ديرة أهله
- 9وان كان ما كفاه بنطوّع النيل◆وانهار عاد وريحها مستذلّه
- 10لجله نسوق ركاب وانطاول سهيل◆ولو يطلب الارواح .. نعم فدوت لّه
- 11بس يرحم فوادك وايطاوع القيل◆وعلى سنّة الله قلبهم تستحلّه
- 12ما تعثر ركابٍ على عقبة الميّل◆ولا ينرمى نصلٍ من أطراف عذله
- 13يا( سعيد ) من مثّلك يبيد الأساطيل◆سيفٍ ترصّع ما نبت فيك خذله
- 14ويا سعيد من مثّلك سخي المحاصيل◆شاعر حويت الشعر من لب نسله
- 15وانته شهيرٍ وارث العز من جيل◆ويسبقك فعلك لو تلاهى ف ظلّه
- 16وأن قلت مهما قلت ذا قولي أبخيل◆مرصون وأنتوا أركان عدّله