سوالف للرواة
صالح السنيدي38 verses
- 1أسمع كلام .. واحفظه◆ما هو مهم .. بس أحفظه
- 2وَحْـضـر سوالـف للرواة◆تروي عـناقـيد الزمان
- 3وأقول هــ الراوي غريب ..◆يروي كلام ويمدحه ..
- 4نفس الشخوص .. والكل فالقصة بطل◆أبطال .. ساحات .. وحروب
- 5ما ينهزم فيهم أحد◆وأنا عليه أقتنع .. مهما يكون اقتنع
- 6لو قال أن الماي نار ..◆وان الجبل أصله جليد ..
- 7وان البشر كلهم دخان ...◆هذا حديث الانتصار ..
- 8وان الطبيعة كـفـر .. الكيمياءُ سحر ..◆وان الرياضيات أرقام وجهالة
- 9وان الفلك هذا محال ..◆والفلسفه شرك وضياع ..
- 10وأنا عـليّه أقتنع◆أما أقتنع وألا أنا خارج مساحات القطيع
- 11وتمر أيام ودولّ ..◆وحنا على هـ الحال ..
- 12وفي نفسي كثييييييييير أمن العلامات ..◆وأكثرها تعجب ..
- 13ويمر والراوي حديث هو الحديث ..◆ضجيت من نفس الحديث .
- 14وأقـوم واسأل في ضجر..؟؟◆واقــول: يا معلم سؤال ؟
- 15أنا قريت وشفت في ..◆وقبل لا مد الحروف أو أني أجمع ربّكتي
- 16صك..!! في وجهي السؤال◆ويثور...!! ما تفهم غبي
- 17نـفـس الكلام أتكرره ..!!◆نفس الكلام ..
- 18وأنا اندهــشــت ما يوم أنا قلت .. وســألـت◆كانت عيونك صفحتين ... تصديق .. في وسط الجحود
- 19ويحط أيده في فمي ...◆واسّكـت إلى آآآآآآآآخر نفـس
- 20ويغـيثني جارٍ قديم .. يجمع شتاتي لـْمّـني..◆يهمس فأذني .. قائلاً (( لا تشتري كأس الحياة بذلةٍ ))
- 21ويعيد .. لا.. (( لا تشتري كأس الحياة بذلةٍ ))◆يا هيه خلّك من كذا
- 22أنته .. وأنا .. وباقي كثير ..!◆وين الكثير .. !
- 23لا له طريق ولا رفيق !◆رحله فآخر غربتين ...!!
- 24غربة وطن .... آآآآآآآآآآآآه..◆هي غربة وطن
- 25وغربة عيونٍ ما تنام◆جف الربيع !!
- 26من كثر ما شافت ..◆رحيل .. يا كثر الرحيل
- 27كثر الكلام ...◆ما يسوى يعاد ...!!
- 28أمواج .. أمواج ...◆من كثر البشر ..
- 29بس هم زبد ؟!◆مع هبة الريح ... أو قول :-
- 30مع صرخة الجهل ..◆اختفى ؟؟!!!
- 31أستوقفك ..◆ما كنت واعي للحديث
- 32هذي إذاعة أتشدّني ..◆فيها شعارات وووووو.. نضال ... صرخااااااااات
- 33إعلان ..النفير◆فيها نقاش ... فيها ... شقاق .. أسمى براويز النفاق
- 34وفيها مذيعة ... تشق ثوب .. في وسط صدر الحالمين◆تكتب على عين الرواة ..
- 35معنى غسيل الأدمغة ... !!◆وين انتصار الللللللل ...
- 36وأعيد أنا نفس الحديث◆أن العرب أكبر رواة
- 37باعوا جلابيب الحريم ...!!!!◆و العز في بطن الكتب
- 38
أن كنت متصدق كلام ... أفتح وأنا أقرأ لك كتاب..؟!!