ذكرى لوادينا
صالح السنيدي26 verses
- 1وتميت أشوف الماء◆لين ارتوت عيني
- 2واْنا جالسٍ . ف الجمر◆أتصفح الماضي
- 3تغدي بي الذكرى◆والجمر هوَّ الجمر
- 4سافرت أتذكر◆أتذكر الميلاد
- 5والبيت والشارع◆وأطفال وادينا
- 6وناقة أبوبه ( تْعيب )◆تورد هنا فِالعِد
- 7من نفس ذاك العد تورد واْنا أورد!!◆( ويغرّد ) الشايب
- 8وحنا وراه نْصيح◆انغرّد الضحكات
- 9ما نفهم الآهات◆ويغرَد الشايب
- 10وتظلل (( الغافات ))◆وانا اتبع الظلّة
- 11ظلّه ورا ظلّه◆يا لين تحمى الشمس
- 12ويصيح صوت بْعيد◆وين الجمل .؟؟ يا سعيد :
- 13ويفزع هل الوادي◆ونركض ورا (( سمحان ))
- 14(( وطنافنا )) جابه◆نفرح فرح واحد
- 15يوم الجمل عوَد◆واْنا ورا الجدران
- 16أكتب على الجدران◆بعض وفتات أشعار
- 17أصيل وادينا◆رحلة مع الذكرى
- 18كاااااااانت ف وادينا◆واليوم وادينا
- 19صفصف مدينة صيف◆لو صاح عاقلهم ما نسمع صْياحه
- 20ما نسمع (( التّغرود ))◆أو حنّة (( الحشوان ))
- 21ما نسمع الشايب◆غير الصخبْ والصوتْ
- 22ومنازع الجيرانْ◆فرقة بمدينة صيف
- 23راحت ظليل الغاف◆كانت تجمّعنا
- 24مسكين يالوادي◆مشتاق للماضي
- 25مثلي أنا مشتاق◆وتمْيت أشوف الماء
- 26أقرأ بصفحاته◆لين أدمعت عيني