حشد روس الفحول
صالح السنيدي23 verses
- 1روينا والنبع صافي وراس النايبه( جساس)◆نخا عزم الفحول النابغات و(جوهر التنظيم)
- 2نخا روس الكرامة من نخاهم ما نخا (عمواس)◆نخا شم القريض وذودهم أكبر من التعميم
- 3نخا لين الخيول أتصاهلت في موقعة( أطراس)◆وجاوب للصهيل أللي لهم عزم ولهم تصميم
- 4وهم للماجدين آولا ركونٍ للشعر أغراس◆غرابيبٍ شوامخ شم حصونٍ ما لها تهشيم
- 5أضم الركب لشّعار أكيد وللدرر غطاس◆وهذا الحاذق الماهر يجاري موكب الترقيم
- 6مدام أنه العلم أسود كلٍ.. يمدح( العباس)◆ويروي حكمة( المنصور) يناظر موسم الترسيم
- 7خلعناها عقود الشعر آلت( نينوى)( العداس)◆خلعناها وناظرنا فراخٍ .. صاغت التقييم
- 8وصاغت أطلس العالم طوت( مكة )على( مدراس)◆فتاوي أنبياء الشعر عاكس منهج التعليم
- 9نعم هالغث يتضائل ..لا يبقى لهم أحراس◆ومع هبت رياح الصيف هشمٍ ما لهم تخييم
- 10هزال أبكار مرعاها قضيمٍ ما يرد الراس◆وأنا يالمنتخي لبّيت لا دعوة ولا تكليم
- 11لكن هي عوايدنا إلى ثارت قوينا البأس◆ما بالك بيوت الشعر أكيد وما تبا تفهيم
- 12فماضينا حملناها على مرمر جواهر طاس◆بياض وجوه تعناها خشومٍ شامخات أتقيم
- 13على شانك بيوتٍ لي مثل ما( بصره المرداس)◆وشانك عاليا دايم رفيعٍ.. صادقٍ.. والْلِيم
- 14لجل بنت الفراهيدي و(بيض الرخ) ما ينجاس◆فزعت وفزعتك نالت بمرتبة الشرف تتميم
- 15تري بنت الفراهيدي عظيمة أعظم( القداس)◆زكيه.. طاهرة..( قداسها) أبطل عرى التنجيم
- 16ومن يخبر حفاة الشْ .. قلهم لا كفيتوا الكاس◆ومن يهرق رصون الشعْ.. أكيد ويلزمه تغريم
- 17ومن يحسب غدى قاضي بنا في نفسه الوسواس◆قضاة الشعر ما تفتي ولا تحكم بها التعتيم
- 18أكيد وموقفي واضح.. ولا فتنه ولا خناس◆مثل ما قالها قبلي:- ( نهايتها إلى التقييم )
- 19ترى هذا الشعر جوهر نجومه تبهر الرماس◆إذا نارت قوافيها تلاشى مبدأ التبصيم
- 20أناظر في سواري أللي متى قام الشعر أعراس◆ويشرق في فضاء نوره وراحة عنوة التجشيم
- 21نخيت الشعر من لبا كبيرٍ .. ظافرٍ.. نوماس◆( سفاطرت) الشعر هيموا وخلوا ه القوافي تهيم
- 22ووحْدوها المنابع جم.. خلوا راية( النداس)◆شعابك مع شعاب القوم خلْف عارمٍ دهديم
- 23شربنا والنبع صافي روينا والحمى( جساس)◆حشد روس الفحول النابغات( وجوهر التنظيم)