ثارت الفتنة
صالح السنيدي16 verses
- 1يوم ثار النقع يا (حميد) النشبْ◆نسرج الأقواس والسمهر نصير
- 2ينتخيك الحر والصارم وثب◆صكةٍ والغوث يوردْه الشطير
- 3ثارت الفتنه وأنا نجمي كتبْ◆بين ربعٍ كلهم عني سفير
- 4البقى في راسهم عن ذا السّلبْ◆والفتن ما ثارها إلا الغرير
- 5الصدور الواسعة ضاقت غضبْ◆غير عقل المنتخي رد البصير
- 6لين (داحس) صافح (الغبراء) هدب◆نارت اقلوب وتغشّاها حرير
- 7أبيض الرايات والراجح كسبْ◆من كسب نفسه لقا حظٍ وفير
- 8غير هذي فتنةٍ لاقت خشبْ◆مع هشيم وقرملٍ زاد النفير
- 9من وقدها قاصدٍ كسر الذهبْ◆يعزل الطواش ويشيّخ ضرير
- 10ومن وقدها ما تحلّى بالأدبْ◆لمّة البدوان سَوْتّ له زفير
- 11بين كف السالفة وناب العطبْ◆من رمى نفسه على حد الشفير
- 12وَضّحت ما قلت والراصد كتبْ◆فتنةٍ ما دانها غير الحذير
- 13كل من يسمع يداعيك النسبْ◆النسب صون الحمى عند الوكير
- 14يوم ظلّ الدار لضات الوشبْ◆ما نكفنا لين نرجع بالظفير
- 15قوسنا الشاهد على ضرم اللهب◆عند كسرى يوم جلجل للخشير
- 16ذخرتي يا حميد في راس النشب◆لين يرمى صاحب الفتْنة كسير