أذكريني
صالح السنيدي14 verses
- 1لو سألتيني عن أحوالي تراك◆راسخة فالقلب واهداب الحنين
- 2ما نسيتك يا بعد عمري أباك◆منيتي أفْديك واصون اليمين
- 3يوم هل السعد مع روحي خذاك◆وانطوت الآمال يا ضيّ السنين
- 4والله أنّي ما شريت إلا هواك◆والمزاد يْعج وأنتي تعلمين
- 5أنتي الأول ولا غيرٍ سواك◆وفي عذابك عشت وأيامك تزين
- 6أشتكي للدهر وأيامه عساك◆تذكري مظلوم في موته يحين
- 7ما رجيت الخلق لكن بي عناك◆لي جبرني وَنْحنى فيه الجبين
- 8وابتغيت اليوم لحظاتٍ أراك◆وانحرمت بلهفتي منّك حزين
- 9أدري أنّه نجم غيري في سماك◆من نصيب الغير واطراف الأنين
- 10أذكريني لنَّ قلبي ما نساك◆ومن نسى ولفه يجانبْه الخزين
- 11من شراتي يا هوى قلبي معاك◆وفي حياته مهتنا وانتي الظنين
- 12بعد كل الحب ما جاني هناك◆واشتقيت بدنيتي والله يعين
- 13واحتويت العهد في زمرت عطاك◆واحتسبت الدهر فيه المخلصين
- 14بْدفنك يا قلب لو تسمع نداك◆وبحْمدك يا رب واختمة بْيقين