كنت فين؟!
سيدة الشولي27 verses
- 1كل السنين اللى عدت زى دهر؟!◆وفجأه راجع ترمى لعبة شوق بزهر؟
- 2م خلاص دا كان◆راحت معالم المكان
- 3الأوادم والبيوت كل شىء◆كل شىء طاله الزمان
- 4مش باقيلك إلا ذكرى◆قاسية .. ناقمة
- 5ع اللى كان◆الحيطان صابها العفن
- 6الشباب صابه الوهن◆الصور .. أصفر لونها
- 7والحياة من يوم م فُت◆قَفِلت .. للعين جفونها
- 8والربيع فارق أوانه◆زهرنا ف صباحُه ميت
- 9ف صباحُه ميت فوق عيدانه◆هاجرت مُدننا م الوطن
- 10كل شىء طاله الزمن◆وجاي تانى تقول نعيد ؟
- 11إيه اللي جد جديد يفيد ؟◆أيه اللى جابَك؟
- 12اللى جابك لو ندم ؟◆إنهارده ..
- 13يعمل ايه فينا الندم ؟!◆يحيي ميت من عدم ؟!
- 14يحيي ايه ولا ايه ولا مين ؟◆لك ف عيني قول سنين
- 15بعد قلبي ما مات ف حبك◆إفتكر قلبك وحس ؟!
- 16ما إنتظرت كتير زمان◆كل شط ..كل مينا
- 17كل ساعي بريد يجينا◆يقولي أسف..مش بايدي
- 18ليه يحسوا هُما بيا◆وأنت ليه يا أقرب ماليا
- 19ليه تجافي سنيني بس ؟◆دلوقت بس ؟!
- 20أرحل وأعمل فيا جميل◆جميل لو مره
- 21أتعودت رحيلك◆ورحيل الذكرى المُره
- 22مايصحى القلب وتاني يموت◆قلبي ان شافك
- 23اللي باقي ف أيامُه .. ازاي◆أزاى هـ يفوت ؟!
- 24وكان لى فين اللى إنكتب؟◆أنت مُري .. اللي عشته
- 25وحزن قلبي ..◆كنت فيه أنت السبب
- 26وتانى راجع ترمي لعبة شوق بزهر ؟!◆كل السنين اللى عدت زي دهر؟
- 27
كنت فين؟!!