حد فاهم
سيدة الشولي37 verses
- 1حد فاهم إيه اللي حاصِل ؟◆إيه النواتج والحواصل ؟!
- 2كل حاجة فيها ريبة◆كلها / أفعال / مريبة
- 3يكونش فيه شِبه اتفاق ؟◆معقول حبيب يبيع حبيبة ؟!
- 4طب ليه ظهر في ربيعنا فجأة ..◆فوضى خلاقة وغريبة ؟!
- 5ليه الميادن تترش كُره◆وزهرها وحدُه اللي يدفع كل أشكال الضريبة ؟!
- 6الزهر ع الإسفلت ينزف◆يسحِلُه ليل البلادة
- 7مش غريبة / مش مريبة ؟!◆ما سمعنا ورأينا .. سواد وغِيبة
- 8يااااااه يا دنيا◆مش كافيكي .. فورة الدم اللي فيكي
- 9ياااااه يا مؤمن◆يلزمك كام لتر منا ..
- 10لجل تترستأ وتجلس ؟!◆ليه ابتسمت في البداية وقلت وحدة ؟!
- 11يومها كدبنا ظنوننا◆وقلنا إحنا .. إحنا وانتم حاجة واحدة
- 12دي الحقايق مش خيال◆سؤال .. إجابته عندنا
- 13بس لازمن م السؤال◆سقيتوا ليه حلم العطاشى بالآمال ؟!
- 14الله .. دي ثورة◆يالله ارجعوا
- 15مش شفتوا ثورتكوا ارجعوا◆هـ نحُط ثورتكوا ف زكِيبة !!
- 16عن نفسي ..◆مش شايفة ف شريط اللي صار حاجة غريبة !
- 17مسرح دُمى / مآنتمة / لخيال مآته◆مريونت / يوتيوب ونت
- 18ناسيتنا نفرح بالولادة◆لا ما انتهت
- 19أكشن وصَوَر للإفادة◆هات هات يناير في الإعادة
- 20هيوليود هِنا◆وكومبارس بفِزيتا
- 21ومخرج مساعد◆يرسم مناورة
- 22في محيط ميدان مع ليل جبان◆يا ليل مُدان .. صَبارنا نَبِت في الميدان
- 23لا مَلْ ولا .. كَلْ انتظار◆وما دارهناك عَ الناحيتين
- 24وقابلُه عِيب وعار◆يا صابرة لا تتأسفي
- 25زي ما ف أرضك عطب◆نوار ميادانِك عفي
- 26والمُحتفي بلهوُه الخفي◆لُه يوم ويظهر .. مهما حاول يختفي
- 27ويا ديب بتحرُس الطيور◆الطير نفض ريشُه خلاص من بيعتَك
- 28أعْلَن ولائه للميدان◆وبراءة منُه محبتك
- 29صاحب بالين كداب◆بلاش / من دين سياسي
- 30اللي وذك .. أذاك◆يا بايع القول
- 31ما تلفش حبال ع الحق بالمعسول◆حَتكَمِل الشمس الدّوار
- 32دا أحلى صفحات التاريخ◆من يومُه لما الحين
- 33ميدان .. نَبَت غصون ثوار◆نبِت النوار
- 34وطول ما فيه في النفق◆بصيص والميدان سهران ..
- 35مِ الصعب ننسى يناير◆الحلم والجدعان
- 36دا ما فيش فرعون ..◆سد طاقة شمس
- 37أو للنور يصيبُه◆الشهيد .. الله حبيبُه.