جرح غزة
سيدة الشولي44 verses
- 1يا مشاركة جدار الخِل وباب ..◆قلبَك مقفول
- 2أزاي عايزاه .. يوافيك وما فيك ..◆من عزم الوجد أو الأشواق
- 3غير حِس الغافي◆أزاي يهواكي ؟
- 4وأنت اللي هواكي ..◆طاعِن في الليل
- 5بيقيم متاريس◆إيه ف عُرفِك معنى الشوق والحُب ؟
- 6ده الحُب وجود !◆دَ أنا لما تخُدني إليها الآهة
- 7وأنظرها بعيني جوه متاهة◆ما استَجرِي ارفعها العين في حِذاها
- 8ولا أقدر أبدا أوفي الشوق◆منين تفتكروا شعور الذل .. يفرِّش ويسود ؟
- 9مين فينا ولائُه أصابُه جحود ؟!◆طبعاً مش أنا
- 10وأنا إيه في ايديا يشُق الليل ؟◆أو إيه ف مقدوري
- 11وأنا المغصوب ..◆اشكر وأقول : لأبو سام ممنون ؟!
- 12وانحني لمداسه العمر سجود ؟!◆دَ أنا لما حلمت
- 13حاكموني بتُهمة عِيب في الذات◆وقالوا لي أزاي
- 14تفتِتِني الروح .. وتصَحِي مَوات ؟!◆وعَطوني إقامة ..
- 15فوق لِرْصِفة وخِيام الدود !◆دَ أنا شِيلت المِخلَة
- 16من وقتها تِخلَى ،◆غير من آه .. وآواه على الحُب
- 17ومُصحف يستجدي المعبود◆مش عَارفه أزاي ؟
- 18الحُب اللي نغَنِيه مَوَال ،◆من وقت حِلِمنا لما الآن
- 19أتبَدِل حالُه 180 درجة يمين وشمال ؟!◆والساحة اللي فرشناها بمسك
- 20من طير العِز ،◆إنهال فوق منها تلال
- 21من دَهس وهَبش ف حلم رجال ؟!◆مش عارفه أزاي ؟!
- 22اتبَدِل حالنا 180 درجة صدود .. في صدود ؟!◆سبحانُه العالم والمعبود
- 23النبي تحفظنا◆الحُب لفظنا
- 24ما أتبقى الخِل خليل ولا حتى .. الأخ لآخوه◆غير خبص ونخر .. لآسافين .. يوووه
- 25إن شاء تفسيرها العقل يتوه◆الصبر لَفَظنَا
- 26الدفا بينز ..◆ولا بَقَتْ الصرخة وصورة الدم تحرك حِس
- 27إذا كُنا رأينا◆الديب بِيعَضْعَض ناب ويجِز
- 28وإحنا .. بلا حِس !◆وبدال ما عليهم .. نجري نحوش في جبال الدم
- 29طب نجري لإيه ؟◆مادام في الجري الوزن يخس ؟!
- 30ومش إحنا وبس .. زوار البيت ..◆بقوا يجروا يحَوْلوا شاشة الدم لموضة وجنس
- 31إحساسنا لفظنا◆هاجر جوانحنا .. وفات مسامعنا
- 32فعكسنا المعنى◆وأتظلم قاتل من مقتول
- 33وأتظلم حاسد من محسود◆إحنا اللي رمحنا
- 34والخلق .. شاهدنا◆في أكتوبر وإحنا
- 35بنغير معني◆وبنقلِب موازين كانت ضد ،
- 36وصبحت معنا◆وقعنا ازاي ؟
- 37فوق سيل مدامعنا !◆يا حبيبة وفوق ،
- 38فوق فوق الكون◆انهضي وامسحي م الفكر ظنون
- 39صحصحي واعرفي حكم الدَيَان◆وافهمي وانظري مين المَديون !
- 40جدار الخِل أمال◆خِلِك ولا زال
- 41ما إنزال من قلبُه ماضيك والجود◆وأنا زيُه مازلت
- 42عشمانه ينشال .. مِن قلبك تُقل كبير لحمال◆دَا نبينا موصي لسابع جار
- 43ما الجار ده أول جار ؟◆الوفا محسوب
- 44كل الأفعال◆والهوى مرصود