بيني وبينك

سيدة الشولي

62 verses

Save as image

1
بيني وبينِك ..◆قلت أنا ياما كتير في قصايد لجل ما أدِينك
2
وأكشف سَترِّك المتخفِي تحتُه أنينك◆قلت عليكِ بأنك عَاصية
3
وعَاصِي الشوق لو وافىَ حَنينِك !◆قلت عليكِ بأنك قاتلة
4
وكل مروءة في عُرفِك ماتت◆سِوا بيديه أو كان سِكيِنِك
5
وولا حَسيتي◆ولا أنا نُلت
6
وكم في بعادِك مَرَات مُتّ◆شاربة صفار
7
أو نازفه وريدِك◆شاردة الفكر
8
برغم الحق .. وتد في يقينِك !◆عيني ف عينِك
9
هواكِ يبيعني◆وأنا اللي هوايا عاش يرعاكي ؟!
10
عشت أطيع ولا أبيع وأفديكي◆وأنتي الشوق ولا مره دعاكي
11
حسرة عليكِي◆كل حروفي ف حلم هواكي تعِبت
12
قولة حاسبي◆حاسبي عِداكي
13
دقات قلبي الناطقين باسمك ..◆فاتوا القلب وسِكنوا حَداكي
14
حيرتي وخوفي◆نحتوا سنين تمثالنا الباكي
15
في عقلي وقلبي وبين أنحائي◆حائي /.. وبائي ..
16
جِدْر ف أرضِك مهمن غِيبتي◆في نيني العين وصُفح كُراستي
17
شجرة / ووردة / وبسمة وبيت◆في كل دُعايا بقولُه ياريت
18
تَعْفو يارب وتصحا حبيبتي◆لكن غِيبتي !
19
رُحتي يا ستي معاه في هواه◆قَلِيتي قيمتِك
20
وكمان قيمتي◆بيني وبينِك ..
21
كنت زمان ما بطيقش هَوانك◆وألعن أي غريب يتجرأ
22
كنت زمان .. بأحزن علشانك◆لكن الوقتي ..
23
شوفي الجرح منين ؟ مين هانِك ؟!◆شفتِي النسر / شفتِي عمايلُه ؟!
24
شُفتي اللي احتسَبُوه حامي أهلُه ؟!◆شيطان / وَقَع بين أشواقي وبينِك !
25
كنتي حبيبتي◆وكل مصيبة تحُط عليكي ..
26
تحُط عليا وتبقي مصيبتي◆وبرضُه ادعيلِك
27
احني الضهر◆وأشيل في همومك
28
أشيلِك / أعيلك◆وأنتي معاه بتشذي الخطوة
29
تشدي بقوة مني يَدينك◆وغُراب بينك .. هو دليلك
30
ياما تعبت / ومِنِك شِيلت◆كل الصبر معاكي اتفَضَى / وأنا في هواكي /
31
لا دَقتي نابضة / ولا بأتوضا بحبك لسه◆صبحت عَليلِك
32
طب إيه تاني◆بعد ما سأسأ قلبي بوارك وأنتي بتسقي وفائي غليلِك ؟!
33
طب إيه تاني / وأنتي يوماتي / تكيلي ف عهده حِمل هواني◆مشيتي ف دربُه / وشيلت أنا ذنبُه
34
أوعي تقولي عليك بتجنى◆كنتي الجنة / لما أنا كنت ساعتها خليلِك
35
أنتي البادية / لما طاطيتي / في حِجْرُه هويتي◆دوستي حنيني
36
سرقتي البسمة / وطَفَشِت بَاكية معاكي سنيني◆أنتي وهو قطعتوا الود / وجد الجد / ما بقاش حد
37
إلا بينعي فيكي الماضي وراح ودعنا◆صحيح من غيرك ما لناش معنى
38
لكن في وجودُه معاكي كمان / ما كانشي أمان / ولا كان معنى◆يا لي حِزنتِي لأني بَدينك / مليون لاء
39
ما يَعفو جحودك رب العفو ويغسِل طينِك◆هو الوحل إن عاص الطرف.. يرفرف تاني توب العِز ؟
40
ولا ينز عار وغبار◆يدور في مدار الليل ومآسرُه ؟!
41
عود الكبريت ..◆إن ولع مره / يخرج بره العلبة ويبقى
42
قل ف قيمتُه◆ما منوش نفع إن كان ومضره !
43
حتى إن كان / وقلنا كتير / مر تجارب في الأزمان ويا الغابرين◆والا إن قلنا الباطل لحظة / وان الحق ليوم الدين
44
فالخلق الناظر ليكي ف وحلِك◆وأنتي يديكي ماسكة عِدَاكي وجَرِك ساحلِك
45
هُما كمان شايفين سامعين◆وأنا بسمعهم / يدعوا على اللي هواكي استهلِك
46
يدعوا / وأنا ادعي / ومش بالأيد / تبقي مريضه وأنا اكسر ضهرِك !◆يبقى ده ليه ؟
47
ليه بتحييدي صوت الحق التعبان حِيلُه / سنين يندهلِك ؟!◆يااااه يا محروسة / يا لي ما كنتي شبه لعروسة
48
وكان الحلم مِصاحب عِندِك◆صاحبِك عَندِك
49
أسر الحلم .. أتوقف / عَندِك◆اصحي يا حارسة حدود الجار
50
يا باسطه يديكِ لراكب النار◆يبعد عنك ربي الشر
51
يبعد عنك شر اشتر وآسِر حلمك◆ياما أنا قلت / لكنُه ما يُحسَب فيكي سُباب
52
قومي ورُدي ف وشُه اللعنة◆اقفلي باب / وافتحي باب
53
يمكن يصحا الحب ما يبننا◆ونرجع تاني أصحاب وأحباب
54
عارفه بانُه شيطانك شدِك◆وبرغم عمايلُه وصبري وصمتك ..
55
آمني يا شيخه◆تآمني بأيه ؟ بربِك ؟
56
أمني بربك / إني بحبك◆وف حبك ما املك غير الحرف النابض عِزِك
57
ولو يوم شئتي◆حرفي يكون مَسنون / مسنون
58
حتى إن مهما يفصلوا فيكي◆قانون وقانون
59
ولو يصحالِك◆قبل الفجر .. واحد منهم
60
ياخُد الكرسي◆ولا يرش لصاحبُه صابون
61
الزحلقة ح تطول الكل◆م اللي أحلامهم مصلحة خاصة
62
وح تعيشي أنتي◆فوق / فوق / فوق / فوق الكل