ياحاتم
سلطان الجالي20 verses
- 1الكرم والجود ورثك والبشاشه لك عوايد◆ياعسى الباري يحفض اخطاك من سو المكيده
- 2ياعزى الي لويطوله بالدهر كثر النكايد◆لالقاك يزول همه من ضلوعه والنكيده
- 3تسبق الخطوات عينك لي غلا بالقلب زايد◆لوغيابي عنك ساعه شفتها رحله بعيده
- 4والله إني يوم أشوفك تبتسم لي بالشدايد◆مقبل ووجهك يبشر بالرخا عقب الشديده
- 5أصبحت كل الهموم بداخل اضلاعي بدايد◆وانتهت عني وعشت بدنيتي عيشه سعيده
- 6حقك الي لك عليه يوم انا لك صرت قايد◆احسن المربا وادور لك مع الدنيا زويده
- 7وحقي الي لي تحفضه يوم اجي لك بالنشايد◆مايضيع الحق كاني بالفعايل مستعيده
- 8يوم اشوفك ماتكيل النقص تعطي بالزوايد◆يشكر المرفود قسمه بالعطايا من رفيده
- 9ماخسر ياحاتم الي يبذل المعروف جايد◆به على الملهوف والي بالشقا نفسه جهيده
- 10وماكسب ياحاتم الي زند المعطي جحايد◆مايفوز الي يبادل مكرمينه بالجحيده
- 11قدّم المعروف وابعد مايعود بالنقايد◆واترك الي مايدوربالبشر غير النقيده
- 12وصاحب الي بالشدايد عن طريقك مايحايد◆ماتغيره اليالي بالوفا ينبض وريده
- 13واحسن الصحبه مع الي لك يقرب للحمايد◆مايدورغير زودك وانت زايد لوتزيده
- 14ياعسى الله مايخيب لك رجا ياابا الفوايد◆مايخيب لك رجابالخير يومنك تريده
- 15والله اني ماتهنا بالكرى فوق الوسايد◆يوم اهوجس بك يروح الليل واعيوني سهيده
- 16ماشكت عله ولاكن ترتقي فوق السنايد◆تبعد النظره ومثلي مايفرط في رصيده
- 17التمس وين الطريق الي يشرف بالحمايد◆وارجي الي ماتخلا بالشدايد عن عبيده
- 18يجعل الخطوات دايم دربها صوب السدايد◆عن طريق الحق دربك راجي انه مايحيده
- 19قالواحبال المنايا طوقت مثل القلايد◆للبرايا والنصايب بالمدافن لك شهيده
- 20والدلايل بالفعايل سجلوها بالشهايد◆والرجا في رحمة الي تسبق الرحمه وعيده