صفحة عمر
سلطان الجالي40 verses
- 1مزجت معنى النباهـه فالبليـد◆وكتبـت معهـا سطـر
- 2حطيت لي عود في عين الحسود◆اطفيت منها الشرور
- 3ياهاجس الصدر فاليوم الجديد◆طويـت صفحـت عمـر
- 4الي مضى خابره لي مايعـود◆ذكـرى محطـة عبـور
- 5يوم انـت حديتنـي يـم القصيـد◆لانـاش كبـدي قهـر
- 6لاتشعـل الناروتزيـد الوقود◆غبـن وظليـمـه وجــور
- 7كاني لك اذكر وعلمي تستعيد◆خذلـك دروس وعبـر
- 8لوكان نسيـان مثلـي مايكـود◆غريـق جـوف البحـور
- 9كانـك قضيـت اللـوازم ياعنيـد◆مخيـط نقطـة بحـر
- 10منك اكتفي كان فكيت العقود◆ماعقب وردي صـدور
- 11ماجيت ادور ورى نظمي رصيد◆مـازاد شـي الصفـر
- 12وابدل ايامي البيضا بسود◆وامسـي بسكـرة غـرور
- 13ماجيت ادور مع التيـه الفريـد◆شاعـر تجيـب الـدرر
- 14وحطيت نفسي مع الرعيان ذود◆عشان حب الظهـور
- 15وماجيـت يـم الخـلا دوار صيـد◆دواج خـضـر وقـفـر
- 16كني على مايدب ارضي حقـود◆ارمـي بليـا شعـور
- 17انا يالولا اتقي مكـر الضديـد◆ماكـان اعـرف المكـر
- 18وحديد درعي ليا ثارت زنـود◆لاجـات بعـض الامـور
- 19لاصرت حطاب ماعنده وديـد◆يشـوي بصمـده صقـر
- 20ينحت بعود الغضى فوق النفود◆ويقوم ينحـر جـزور
- 21يامخبل الي يرى الشنه ثريد◆غطا عليهـا القـدر
- 22شحيح جابـه طمـع ينشـد جحود◆ويلـف معـه ويـدور
- 23قريـب ولاانـت يامينابعيـد◆مرسـاي حـيـن احتـظـر
- 24والي يقدر متى وقـت الـورود◆عليـم ذات الصـدور
- 25والحمـد للـي خلقنـا لــه عبـيـد◆بعبـادتـه نفتـخـر
- 26الباقي الي تصرف بالوجـود◆الحـي مفنـي الدهـور
- 27منـزل تبـارك وعمـا والحديـد◆والواقعـه والحـشـر
- 28والكهف والانبيـاء واخـوات هود◆تبيـان هديـه ونـور
- 29وآيات قـرآن محكمهـا مجيـد◆مجمـل جميـع السـور
- 30وايمـان مـن يهتـدي فيهـا يـزود◆تجـارتـه ماتـبـور
- 31مامل من حسنها من يستزيد◆حيث انشرح لـه صـدر
- 32واول ثمـار الوفـا لـه بالوعـود◆سعادتـه والحـبـور
- 33المؤمن الي مـع اخلاصـه سعيـد◆يبشربعـز ونصـر
- 34قرة عيونه ركوعـه والسجـود◆ماينقطـع لـه حظـور
- 35والفضل والحمـد لله الحميـد◆حسـن الثنـا والشكـر
- 36الي تحت رحمته وامنه رقود◆يعفو ويجزى الشكـور
- 37دنياي كان العمر فيه المزيـد◆مـدري بقـا وش كثـر
- 38ايامها شاهده مدري شهود◆بيـن الشقـى والسـرور
- 39يامن لي اقرب من حبال الوريد◆بالذنب مالـي عـذر
- 40رجاي لطفك وعفـوك يـاودود◆للحـي واهـل القبـور