سلة ضروفي
سلطان الجالي40 verses
- 1قبل التمني يطرق ابواب ياليت◆وتطول عند الباب حالة وقوفي
- 2لاتنطق اللي بإثم ضني توريت◆لاساء ضني وأختلف صدق جوفي
- 3احذر لمنطوقك ليامن تطريت◆وقولك وتركيب الجمل بالحروفي
- 4ووفيت لو بالصمت للشر كفيت◆والصمت منك أهيب ملامح وصوفي
- 5يوحيك ماتجهل و له ماتوحيت◆ظاهرك مخفي ماتضمن ضروفي
- 6شمسي لها لأقفت بالأقبال توقيت◆تمحي ضلام الليل وتبد شوفي
- 7وانا بعد ماباالطبوع استدليت◆قعدت اناظر وش تشيله رفوفي
- 8أولى لي أولى كان باالعين لديت◆وبرقت راي بميل بعض الصفوفي
- 9أنظر بنفسي كان بالسوء ضنيت◆أولى على نفسي تجرد سيوفي
- 10الصارم المسلول من حقه الصيت◆باالحق في حدين عدله نصوفي
- 11وكانك ولابدك للأقوال حنيت◆عليك بي باللوم بالك تروفي
- 12لو البشر قالو على نفسك اخطيت◆قول الزمان اللي حييته عجوفي
- 13لمني وانا بأفتح لك أقصاي لاجيت◆وأذكرك بعيوب نفسي وخوفي
- 14ياكثر ماني بالخطا شلت /حطيت◆ووزري حملته فوق هامت كتوفي
- 15عليك عذلي واترك الحي والميت◆جاوز بنهيي كان فيك امعروفي
- 16وابليس داعي والهوى كم له اصغيت◆مغير اجاهدهم وانا افرك اكفوفي
- 17أنسان أنا أنسان بالضعف عانيت◆وشيطان الأماره بغيي عصوفي
- 18انسان انا انسان باالكبر غاليت◆ومعاه ياخذني غواي ويطوفي
- 19انسان انا انسان ياما تعاطيت◆ذنبي وياكم جيت بأخذه جزوفي
- 20أنسان أنا أنسان ياكم تناسيت◆أنساني المنعوت لأسمي ولوفي
- 21أنسان كم أعرضت ياكم توليت◆سؤي بقرين السوء جاني لهوفي
- 22اباالتمس للعذر مع كل توقيت◆بالأعتراف اني لذنبي عيوفي
- 23ودعواي لله كل مااصبحت وامسيت◆انه يبلغني بعفوه اشفوفي
- 24عدوي الشيطان بجهاده ابطيت◆جاني وليد وزاد بالوقت لوفي
- 25أصرخ من اول منه واليوم ونيت◆ولازال حولي بالوساوس يحوفي
- 26مايوم في نومي سببه استلذيت◆وسط المهاوي من يديه امحذوفي
- 27لو شفتني بالناب الأبهام عظيت◆اخاف رميه لي بغبة احسوفي
- 28كله مخافة لو غفلت وتلهيت◆لحظات أسف السم وأبلع سفوفي
- 29وللنفس الأماره هوى له تهجيت◆بكتابها الي بالمتاهه رجوفي
- 30لو يوم اطاوعهم ورى الغي ضليت◆بجملة دواعيهم تبعت الصدوفي
- 31جات العلل لا قلت منهم تعافيت◆يدمون قلبي كل ماقلت عوفي
- 32وجهادهم باالعمر ليني له اوفيت◆واجب علي تقضيه مني احتوفي
- 33ولو السلامه باالخلا له تلقيت◆وأطلب نجاتي لوسكنت الكهوفي
- 34واسباب خوفي بالثرى لاتواريت◆بالقبر واصبح ماعملته ولوفي
- 35والسر مايخفى لو اني له اخفيت◆يعلم به الله العزيز الرؤفي
- 36والوقت عشته بالتمني و تماديت◆وراح العمر بالذنب مع من يسوفي
- 37ياكيف ابنكر وش بالأعذار رديت◆والي عملت وقلت داخل كشوفي
- 38ياالله يامنان ياخالق البيت◆طالبك ياربي بعبدك تروفي
- 39مالي سواك ولا لغيرك ترجيت◆طالبك تغفرلي وتحسن وقوفي
- 40أنت اعلم ابحالي ومااخفيت وابديت◆وانت اعلم بضعفي وسلة ضروفي