سالفة وجد
سلطان الجالي18 verses
- 1فك القلم عاني شكا ضيـق ملهـوف◆بين الحروف وبيـن شكـواه ميثـاق
- 2قدم بها لمجاهـد الضيـق معـزوف◆ساهر يسجـل حالتـه بيـن الأوراق
- 3ليلي قضا ساري سواليف ووصوف◆داخل قفص صدري لها شوق مشفاق
- 4هم الغريب ووحشته داخـل الجـوف◆تبقي على نفسـه تناهيـد وارهـاق
- 5منهو تحقـق لـه تمنيـه وشفـوف◆نفسـه ومنهو خاطـره بالرجـا راق
- 6الظاهر اني يافـرح عنـك محـذوف◆ياذا الفـرح مالـي توافيـق ووفـاق
- 7سكه طويله وين انا وانت وصـدوف◆وقتي تطوف مجازفة بي على فـراق
- 8ياقلب طاوع واكسب اليـوم معـروف◆بالي يجاهد ضيقته وسـط الأعمـاق
- 9ابصر مع الي بأول الوقت وتشـوف◆رحله طويله سالفـة وجـد عشـاق
- 10ودع هريره وارتحل وانت مكتوف◆لو مايطيـق افراقهـا نبـض خفـاق
- 11ويادار ميه فالسند عهدك يطـوف◆وياقف على اطلالك شفوقٍ ومشتـاق
- 12ويادار عبله بالجوى جاوبي جوف◆ابا الفوارس ذا الثنا سمـح الأخـلاق
- 13ولخوله اطلالٍ لها صحبه اوقـوف◆اصحاب طرفه بالوشم تنعـي افـراق
- 14شافو من الدنيا مشاريـه واحسـوف◆وحروفهم تشرح سما الصدر لاضـاق
- 15خذ من تجاربهم لك ادروع واسيـوف◆وحارب بها ضيق وتناهيـد وخنـاق
- 16واسلا وسامرهم معي وصف واحروف◆تقرا بهـا رحلـة سحايـب وبـراق
- 17والغم لابـده مـع الوقـت مكشـوف◆ويطيب للفرحه بعـد ذالـك اعنـاق
- 18لاطـاب ضنـك ماتحملـت مكلـوف◆بالضيق لو تلقا معه نشـف الأريـاق