دربي طويل وسكتي مالها زي
سلطان الجالي22 verses
- 1دربي طويل وسكتي مالها زي◆وهموم قلبي في ضلوعي عزاري
- 2من يوم عرفي ماوطت رجلي الفي◆امشي على الرمضا ولالي محاري
- 3هذا الطريق ولو طوى خاطري طي◆رجلي عليه وماطرت لي طواري
- 4طبعي كريم ولامشت رجلي اهدي◆ممشى الوقار ومنزله في قراري
- 5ارجي كريم وحكمتي بينه في◆عون الضعيف اليا جرت له جواري
- 6يلقى الجليس ابمجلسه عندي اوخي◆شوري نصيح وهاجسي مستشاري
- 7والطيب نبعه والوفا مني وفي◆وكلاٍ على ممشاه يلقى مجاري
- 8اغض طرفي لاجهل فيني قصي◆سفيه يلقى من صدودي حساري
- 9مايلحقه مني على جهلته سي◆طبعي سموح ولاسمعت الزواري
- 10تنجد غريق امن الغرق مدت ايدي◆وملجا الدخيل الي يخاف الضواري
- 11والله لعزك يا الوفا دامني حي◆واتعب عليك ولو سريت الغداري
- 12عند الندى تندى وعند المرض كي◆ويلقى الحريب ازعاف طعن الشباري
- 13صوت الجزيره يسمعه ساكن دبي◆والي سرى معه النجوم السواري
- 14كل الخليج وتسمعه جارة عدي◆وتثني عليه ارجالها ماتماري
- 15اهل الوفا وارجالها شورها ضي◆ويثبت لهم بالحق كاتب وقاري
- 16فيها الرجال الوافيه وفيهم هفي◆والي هفا ماهز فيهم وقاري
- 17الي رمى من قاعة البير بحصي◆يردم على نفسه ولاهو بداري
- 18ماني من الي بالخطا يتبعه غي◆ولااخذت شوري من هنوف وعذاري
- 19ولاجبت عذري بالخطا قالته هي◆لوبالرجال امثالهن بالهذاري
- 20يحسب سوالفهم من المرجله شي◆ويثور بايع من هواهن وشاري
- 21راعي الخطا ياما تكسر له عصي◆ويمشي بعدها في طريقه حذاري
- 22هذا الصحيح ومرجعه لا انتهى لي◆دام الصواب يسدده جود باري