خيرتك اختار
سلطان الجالي17 verses
- 1أهجرني أرجوك ارحل واترك اوطاني◆معاد ابي منك بالهامك تسليني
- 2ولايوجعك لوم نفسك حين هجراني◆لاتلفت واترك ادموعي وسط عيني
- 3وارجوك تاخذ معك ياسبة احزاني◆عمر الحنين ابشعوري يامعنيني
- 4وذكراك خذهامعك ياعمرها الفاني◆اخاف منها بعد غيبتك تفنيني
- 5يكفيني اشواق يكفي منك حرماني◆يكفي مع الخوف تربك لي موازيني
- 6يمكن بعدك الهموم الي تبلاني◆تنزاح عني وترجع بسمة اسنيني
- 7يمكن تخف الجروح ونزف شرياني◆وادموع عيني تجف ولاتبكيني
- 8مادمت دايم تقول انك علي جاني◆وانك من الجرح ماتقدر تداويني
- 9وانا اقتنعت ابكلامك وانت برهاني◆مير الحقيقه تبين بينك وبيني
- 10صحيح لو اطلب الهجران بالساني◆ماطاعني قلبي الي فيك مشقيني
- 11زاد ألتياعي سببك وشوق وجداني◆مات الفرح واهتدى الضيق لعناويني
- 12ودخلت في غربتي واقفلت بيباني◆وصار الفرح والهنا دايم مجافيني
- 13ياكيف روحك رضت ياكيف تجفاني◆وانته حبيبي ولاغيرك يواسيني
- 14ياكم خذاني لدربك همس واحياني◆ولوقلت احبك تغذي لي شراييني
- 15خلاص خلك بجنبي لا تعداني◆يانور كوني سراج القرب يضويني
- 16هجرك عذابي تعبت وشوقي اضناني◆وكثر احتياجي وضعفي نار تكويني
- 17خيرتك اختار قربي /او /تناساني◆وقرارك الي رضيته فيّ يرضيني