خالي انتم خابرينه
سلطان الجالي22 verses
- 1يانجوم الكون ثوبي يشبه الي لابسينه◆اشهر الي حاضرينه لاحضرته قال عانه
- 2هذا انا سلطان يا الي عن علومه ناشدينه◆حر من ضربة يمينه تسهر العين الجبانه
- 3لاانقطع حبل المراسي وابحرت فيه السفينه◆قادها ربانها الي ماتزعزع عن مكانه
- 4مادفعها بالمراوح لامشت ضغط المكينه◆سيرتها الريح تضرب فالبحور الهندوانه
- 5ماسمع منهو رقاها عن حكايا مرجفينه◆مبحر السبع البحور ولا حسب لاهل اللعانه
- 6حدهم عند الشواطي يرسمون اقلاع طينه◆وان ضرب بالموج موج اندير وجهتها رزانه
- 7البحر مثل النوايا لاتلاطم عابرينه◆عابره ماني باهابه من صفا ماهي رعانه
- 8افرد اشراع الاماني والبحر كاني كنينه◆واعتبر بين البحور لقصتي قصة ميانه
- 9والزمن مادام زينه لوصفى كدرك شينه◆صرفتنا حكمة الي معتلي بالحق شانه
- 10يرتفع شاني عن الي من جهلهم حاقرينه◆واكتفي في نظرت الي من وسيعين البطانه
- 11محزمي ضبطان والي فوق راسي عاصبينه◆من حرار امطير طير ومنسب اخوالي كنانه
- 12كانها عند المفاخر خالي انتم خابرينه◆كم ملا اسمه من دفاتر دونت له بالامانه
- 13من بعد فضل الرسول ورفعة ايديه الامينه◆جاوب الباري نبيه في عمر عز الديانه
- 14صيرمي السيف وانشد فالجماجم عن رنينه◆لاضرب سيفه يزيل الشك ويسرك طعانه
- 15من يخوضون المعارك حصلو منه الغبينه◆تصبح اسياد المعارك لا تلاقت به جبانه
- 16انشدو عنه الجنون المارجات وعن يدينه◆كم صرع منهم صريع وفرق الجن امشيانه
- 17وانشد اعنيزه عن الي مندفن بأرض المدينه◆ثالث القبرين قبره من علوه فالمكانه
- 18هم جبال الدين لله في وفاهم مخلصينه◆مخلصين الدين للي يجزي الوافي جنانه
- 19مابلغتم منزلتهم بالذهب يامنفقينه◆لومثل احد المدينه تنفقونه في حصانه
- 20ياصلاة الله على الي من معزة صاحبينه◆عزهم عز العزيز وحط مدفنهم وزانه
- 21والسلام اختام للي بالحقايق كاتبينه◆في بني عمر اتشرف ياخوالي بالمكانه
- 22ثم صل الله وتمم للرسول وتابعينه◆له صلاةً وسلاماً عد من يكتب بنانه