ترجمتك في صمتي بوح
سلطان الجالي19 verses
- 1ترجمتك في صمتي بوح◆مالي فالشكوى من بد
- 2اشكي من شوقي مجبور◆يوم اظلم ليلي واشتد
- 3قلبي ياخلي مجروح◆ولحالي في عز البرد
- 4ماترحم حال المشتاق◆اللي لك في قلبه ود
- 5وش ذنبي يومي مغليك◆لو جيتك لدموعك خد
- 6ماتكسب فيني معروف◆يوم انك تجزاني صد
- 7قال انت الحين المظلوم◆حسبك ياظالم من جد
- 8حقك في صدي ماجاك◆تستاهل عن وصلي ضد
- 9يوم اني عندك موجود◆اسال ماتنطق وترد
- 10كني مع حالي مجهول◆يبني لك صبري وتهد
- 11حالتنا ماهذي حال◆كان انك للحق تعد
- 12هذا انته تبخل بحروف◆تهمسهاباذني للغد
- 13ولومانت بقلبي محفور◆كان اتبع قانون اب جد
- 14ياالغالي جيتك مسموح◆لوصبري ضدي يرتد
- 15قلت اني ماني معذور◆لين اتعب لجلك واجهد
- 16لكن بغيابك مفجوع◆من خوفي بيحت السد
- 17ومن مثلي يعتاد الصمت◆لاعربد بحره وازبد
- 18لي عمري كله تغريب◆وفالغربه ماعندي يد
- 19والتابع يمسي متبوع◆شدو قبله ناس وشد