تحيزمت واحلامي عن العين غايبه
سلطان الجالي127 verses
- 1تحيزمت واحلامي عن العين غايبه◆ونوخت لي حمرا من الهجن هايبه
- 2طرالي وانا مابين شدي ومدتي◆طواري لها باالقلب مده تلاعبه
- 3وحضرت للمبنا عليها مزاهبي◆واسد الشرى منهو يواثب تواثبه
- 4اببني حسب جهدي وعلمي وخبرتي◆مكاتيب قول من مواري شاربه
- 5نديمي نديمي سجل الحرف واكتبه◆على الطرس والعنوان يقراه كاتبه
- 6صخرته على اللي يلهجه ثم ينهجه◆مصيب النصيب اولى لمن هو يخاطبه
- 7على قاطعه هوج الفيافي مضمره◆مثل قنطره ترسي على موج قاربه
- 8وعوجا تساوا عوجها حين درهمت◆مثل ماتساوا خد في كف ضاربه
- 9وفج النحر جوفا تباعد اعضودها◆لها وصف ليث ترتقي في مراتبه
- 10تخلي بنات الريح تعدي على لضى◆وهي فوق نهاضٍ على الريح راكبه
- 11ولاغيري الي مستوي فوق متنها◆وهي مالها خرج ينقل زهايبه
- 12وانا مامعي حيث الضمى غير بدرة◆توقا بها كبدي موارد لهايبه
- 13تعدت وانا جوفي تواقد بحرته◆ولاللفضى ميدان تزمي رحايبه
- 14على متنها لاضاق بعيوني المدى◆امد الجدى والناس باالبرد حاطبه
- 15والاقي مرادي واترك الضيق للسعه◆ولاالضيق نفسي في ثناياه تاعبه
- 16ندبت الذي يوفي معي حين ماارسله◆لياقلت لي قول نصا الطرس كاتبه
- 17لبحر الهموم الي منافيذه القلم◆مصب الهجوس الي طويل مداي به
- 18فيا سامع مني محاجي وحجتي◆ليا كان عندك راي للعلم جايبه
- 19فلي منك ياذا الشور والعقل والحجا◆مطاليب كان العلم باالحلم نايبه
- 20واببدي لك الي زاد من جور غربتي◆وخلاني امسي بين هم ونكايبه
- 21لفاك المسافر جاك عابر برحلته◆بهواجيس جوف الجوف للنوم ناهبه
- 22لياصار عندك شور وافي كفيتني◆عنا الباس والجمال يزمل ركايبه
- 23ويازين صحبة طيب الناس والملا◆ومغنيك عن كل المخلايق قاطبه
- 24اذا ملك الي تسمعه قبل يسمعك◆قطع حبل دلوك حين ماجيت جاذبه
- 25يقول انت يامن داير الوقت دربه◆ومره من الايام بالي صعايبه
- 26اذا قد جرا باالوقت لك فيه غصه◆تبي تفتكر في حل داهي نشايبه
- 27توردك في مضماك حوض العجايب◆ودهرك جميع الناس تسمع عجايبه
- 28فعزي لحالك كان تشبه لحالتي◆ووجه الشهر يعقد هلالين حاجبه
- 29انا مامعي ياكود عقلي ومهجتي◆اذا الشور غايب هبت باادنى صعايبه
- 30وخوفي من عقولن تجي لك بمكرها◆تصدر جميع ارياك باالذل خايبه
- 31وانا عارف من وين وردي ومصدري◆وليلي غدا ليلين والنفس هايبه
- 32وخوفي يشتت صوت رايي وينزحه◆ولايرجف الا قلب يخشا عقايبه
- 33اصدر على همي ووارد بحسرتي◆ولاذقت باالمشروب باالناس طايبه
- 34يغيب الفكر عني وانا ديه يتقي◆وحشاي صارت منه باالجوف ذايبه
- 35يمر الشهر ثم الشهر عقبه السنه◆وعقبه يمر العمر همه يجاذبه
- 36يروح العمر ماطال شفه ومطلبه◆مع اعجاف ماهي له باالامال طاربه
- 37وكد قال طرفه ياصف الظلم واعظمه◆بظلم القريب الي يعادي قرايبه
- 38كفا الله مومن يطلب الحل والبرا◆ويرجي من الله العفو دوم راغبه
- 39ولو البشرتطلب فناه ومضرته◆فلا ضرته لو تجمع الكيد قاطبه
- 40ولو تجتمع حتى تبي نول نفعته◆فلا تنفعه في غير ما الله كاتبه
- 41فان الحذر لو ينفع المرء يمنعه◆سطا الهم لكنه بلا شك صايبه
- 42اذا كان ابن عمي بلاني بصدته◆ولايتقي وجه الشقي عن مضاربه
- 43وانا محزمه ماني عدوا مدجج◆من القوم جيته با الليالي محاربه
- 44غدى كثر ماايسني من الود والرضا◆فنى حال عيني حين ماهي تراقبه
- 45بلاذنب اقدم حجتي فيه والعذر◆وكثر الغلا لاج بضميري وفاد به
- 46وهو لايجازيني بصادق مودته◆ولااشفى جوابه غل منهو يخاطبه
- 47مثل يوم اميز وصف مابي كأنني◆شديد الضما والعد صافي مراحبه
- 48أبصبر على الي بادر منه وأحتمل◆ولو صار مهما صار فا النفس طايبه
- 49ولانفترق لو كايد الدهر كادنا◆مع اللين نبقا والعسر لو نقاربه
- 50لوان الذي عظمه براسه عمامته◆لقا حيلة اللي تنتزعها مضاربه
- 51ولو يفترق فاحنا فلا يوم نفترق◆لوان الدهر عشنا وشفنا عجايبه
- 52ولا اقطعه كود الله يقطع لي النفس◆ليا ما اركزو فا القبر فوقي نصايبه
- 53ومادمت انا حيٍ ٍ فلا انسى مودته◆لو الناس قالت لي مساعيك خايبه
- 54فاانا معه يمنى با الشدايد ومسنده◆وأعاونه لاجار الدهر في مصايبه
- 55وهو يدري اني دون نفسي خصيمها◆شهيدٍ على نفسي لو اهملت واجبه
- 56فياوقت يدفع حاضرك للذي مضى◆سداده ولا يترك تقاضيه غايبه
- 57انا ادعي لوجه الخيربه به دوم نلتقي◆انا والذي عاقد ليا جيت حاجبه
- 58واذا الليل روح منه ثلثين وانثنى◆ثنا الفكر دار ودورته مع كواكبه
- 59لقيت السلامه ياصحيبي ومغنمي◆بصمتي لياما الغير باالقيل خاض به
- 60انا يارفيقي كايد العلم هالني◆خطر لي جميع احساب ماكنت حاسبه
- 61وخلاني اصبح بين سقمي وونتي◆وليلي غدا ليلين والشمس غايبه
- 62واذاكنت لاتدري وماكنت باالذي◆نشد من درى وشلون يعرف مذاهبه
- 63تشوف الطريق الي يقرب لغايتي◆ليا علني باالوقت غاثي صعايبه
- 64اشوف انت يامنهو يبي مني الخبر◆ولي نضرة في كل الاحوال ثاقبه
- 65اذاكانت الحيره لهارمح لك ذرى◆كفاك العنا والياس واللي تحاربه
- 66انا ياصحيبي لوبقالي برحلتي◆ندا حرفي الي حين ماجيت نادبه
- 67فلاانلت للي ينقل القول مسمعي◆ولاني ليامن غاب طاريه طالبه
- 68وانا فاالبحر مبحر وتجري سفينتي◆والافلاك ليل ابليل في ليل غايبه
- 69ادور وانا ادري وين وجهي ووجهتي◆واميز طريقي حين ماالموج هاج به
- 70عشر مع عشر مع تسع مرت ابرحلتي◆والامواج تجريبي على كل غايبه
- 71وبعد ماهدا موج البحر واستوا الفضا◆مثل مااستوى موج البحر في غبايبه
- 72نبا العلم عندي يافتى الجود واسمعه◆وعلمي يقين يعطي الحق طالبه
- 73قد اشعلت لي مصباح في داجر الدجا◆وهواجيس لغضا العين والنوم حاربه
- 74فكم نجم اشوفه طاح من عقب مالمع◆وعقب الوهج راحت مواضي مشاهبه
- 75وكم غيث اشوفه مالمع ضي بارقه◆واروى دماديم ارتوت منه شاربه
- 76وكم غيم اخايل بارقه حين مابرق◆ولاشفت سيل اقراه يرخي ذوايبه
- 77يحين انها بالبين الاسماء آذنت◆وساق الوصيف بحامل الوصف ذاهبه
- 78لنا حامي الحدين لاقال الا انجلي◆بلغ للبيان النور وابدي مضاربه
- 79متى ماالحقوق بحامي الحد تحتمي◆لهابالمواقف شمس ماهي بغاربه
- 80انا ماني بهافي بجهدي وحيلتي◆ولاني من الي عاث يتلي رغايبه
- 81وفي كل مايجلب لي المدح والثنا◆مطاليب تشفيني بعالي مراتبه
- 82هواي الوفا والحق والصدق مطلبي◆ولو الفنا منهال تاتي سبايبه
- 83وحنا على بيبان غربه لنا فضى◆من الوقت ذقنا لون غاثي متاعبه
- 84لي اليوم مبدا عقب ماشفت باالمدى◆وعاينت من رايه بالأشوار صايبه
- 85ولوكان منهو عنده اذنين يستمع◆رعى الشور واصبح آمنن في مضاربه
- 86وقالت حذامي صايب الراي والخبر◆لها بالمدى نظره على الشوف ثاقبه
- 87مراع القطا خلاه يترك منازله◆ويهاب الخطر منهو طريده يقاربه
- 88والأخبار منها ذايع الصيت منتشر◆فلا يختفي لو كاتب الخط شاطبه
- 89لنا فالنظر في سالف الدهر موعظه◆فيافيه مافيها وفيها انتعاض به
- 90اذا قيل قول وقايل القول ذا خطر◆تمثل نوادي سامعه صوب قاضبه
- 91رواويه لوكانت توافق وتختلف◆تذود الملامح عن دوادي تذاع به
- 92وتفضي لناالأمثال مايجلي العبر◆تفوه وفاها فيه مافيه فاه به
- 93وحى صوت صادق مرهف الهجس يسمعه◆وكم صوت ماتسمع له اذنين صاحبه
- 94ولولا الضيا ماشفت لليل من سرى◆ولابالأجم من فج له درب سار به
- 95ولوايقن المرتاب في حال ريبته◆سكن طير صدره واهتنا واستراح به
- 96الا حي من يحمل صباحه صبا السعد◆وسالم تغنا له غطاريف ناحبه
- 97لياهبت النكباء وياالصفر مسته◆يعرف الذرى اللي فالشدايد يلاذ به
- 98ربح من جناح الذل للعز يخفضه◆ولافاز منهو نابت الريش طاربه
- 99على اواه يانفسي وويلاه وش بقى◆منافع بها تقضين يانفس طايبه
- 100انازع شديد الحزن ماسطعت انزعه◆ولامستطيع اني باالاضلاع اغايبه
- 101ومن حيث ينفخ روح شكواي يحتضر◆سكوتي ويفنى تحت قبضة غناي به
- 102ابشكي وانا معذور يوم اني اشتكي◆عنى الهم يوم انه زهقني شقاي به
- 103فجعني بشهر الحج من رابع الشهر◆فجيعه صباح السبت للقلب صايبه
- 104وقمت انتفض والراي مني بسكرته◆وجوف الحشا قامت تواقد لهايبه
- 105غدى لي شفيق بي رفيق بحالتي◆عليه اشكي العلات والقى عزاي به
- 106ذراي الذي ياقف معي لااعتزيت به◆كبير القدر ماعشت عمري عزاي به
- 107وسيع الصدر والعلم والحلم والعطا◆غليب اللذي يلفي برايه يغالبه
- 108ضحوك بوجه الضيف في حزة القرى◆وريث الندى مايعقد هلال حاجبه
- 109وعبوس بوجه الند والضد والعدو◆لياجارت الدنيا يروي مضاربه
- 110صدوق اللذي يعطي العطا معطي العطا◆كريم الوصل ياسعد منهو يقاربه
- 111يزيد السمين السمن لاقدم القرى◆ويمناه ماهي للمخاسير حاسبه
- 112وحين الوفا والجود والطيب والكرم◆والاخلاص والمعروف طاريك شادبه
- 113ذكرك العزم والراي والحزم يذكرك◆وحسن الثنا يذكرك يوم انت صاحبه
- 114وانا شاهد الي ماستراحت بمجلسك◆على العز والنوماس والفخر دايبه
- 115وكنيت ماحطم به الجوف ونتي◆تناهيد من فرقاك بالجوف غايبه
- 116خطير اانني اصبح صريع بحسرتي◆اعيش ومماتي طول عمري حراي به
- 117والاذنين لوتنصت فلاهي بتستمع◆وهي دوم بحظور المليمين غايبه
- 118عسى اللي عذلني في دموعي ولامني◆سهوم المنايا منه تاخذ حبايبه
- 119تذكرت والذكرى لها مدمعي جرى◆هماليل فوق الخد ك السيل ساكبه
- 120معاناه يذكرها من اليتم غربه◆بعد عاش بالدنيا مع اول تجاربه
- 121ومن جرب الحاجه الى مامع البشر◆تعرض لما زاد العنا مع مصايبه
- 122يكافح والا قاده كفاحه الى الغنى◆وبدل عسير الوقت في يسر جانبه
- 123تلاقيه نعم العون والضل والسند◆ذرى للضعيف الي شقا الهم نايبه
- 124ولازلت عندي حي ياطيب الذكر◆كسيت الوفاطاريك يوم انت واهبه
- 125تصورت يوم اني تمنيت شوفتك◆ملامحك والعبرات بالحلق ناشبه
- 126وانامالي الااصبر واداري بقولتي◆ايا نفس صبرا خير في كل نايبه
- 127مع الحمد للرحمن والشكر والثنا◆صبرنا ومن يصبر لقى جود ثايبه