الا هُبي بغيثكِ فامطرينا
سلطان الجالي26 verses
- 1الا هُبي بغيثكِ فامطرينا◆ولاتُبقي لأطلالٍ دفينا
- 2وأَحْيي في رواعدكِ مواتاً◆جفاها الغيث من هطلك سنينا
- 3أجدْيّ في هشيم النْبت بالي◆بأرضٍ في منازلها ربينا
- 4لها في سالف الأيام مرعى◆خلا ماعاد للراعي يبينا
- 5رسوم الوشم هبي فاظهريها◆لوقْافٍ على مر السنينا
- 6دعاه الشوق لأطلالك يعاين◆بعد ماغادروها الساكنينا
- 7متى ذيك الهبوب الشرق هبتْ◆تُثير الأرض واللي نازلينا
- 8يجي ودْقُ الرواعد مع صباها◆يزفْ ام البشاير مستكينا
- 9ابرقبْها وانا واقف مكاني◆بعد أقفتْ ركاب الضاعنينا
- 10وانا كثر اللجاجه في خيالي◆يورّدني بحور الهائمينا
- 11متى حَمْتْ نفضتُ لها يراعاً◆كوصف السمهري له طعونا
- 12لأُدمي من بنات الفكر بكرٌ◆لها بين الفحول مطالبينا
- 13ولم يغنمْ بها من يقْتنصها◆ولم يهنأ بها من يقتفينا
- 14ولا دانت لمخلوقٍ سوانا◆ومالاحت لكل العالمينا
- 15إذا ناديتها اهتزت ولبتْ◆لصوتي جاوبت في كل حينا
- 16وإني لا ابات الليل منها◆ولانامت لها عندي جفونا
- 17اسامرها بمكنوني وبثي◆وتُهديني من الدُّر الثمينا
- 18وان تجمح لها عندي زمامٌ◆أُقلْدهُ بطوق الياسمينا
- 19فكم معها وقفت الليل كله◆وان عزت مراقدنا سرينا
- 20أُمرُ الليل كله في غوانم◆وقد نامت عيون الناعسينا
- 21أراقب للنجوم اللي تواقد◆لها في داخلي أسما حنينا
- 22تُذكرني منازلها حبايب◆فَنَتْ أعمارهم لو مافنينا
- 23مَضَتْ أيامهم حتى تقضتْ◆وصارت مثل حلم النائمينا
- 24ألاَ وا لهف نفسي كيف ابصبر◆بعد ضم الثرى للغائبينا
- 25ولم أجزع لحكم الله ربي◆ولكنْا بما يقضي رضينا
- 26وإن صبري تكسر من بعدهم◆فلا لي غير مولاي المُعينا