في خاطري
سعيد بن مصلح الاحبابي11 verses
- 1في خاطري ابغي امرك◆لكن رفيق الوقت ماطاع
- 2وان هب لي نسناس برك◆عقلي وفكري صوبك انصاع
- 3الشوق لك في الروح حرك◆دفين وجدن بين الأضلاع
- 4وتدري بأن قلبي مقرك◆ولك في انسمي مدهل ومرتاع
- 5ياليت لي ياني يمرك◆هم وسهر وأشواق وصداع
- 6غالي ولا أبغي اضرك◆لكن أباك تحس الأوجاع
- 7وان كان هذا الحال سرك◆ضاعت آمالي والرجا ضاع
- 8أتعبتني من كثر يرك◆وأسبح لك بميداف وشراع
- 9ادري بان الحسن غرك◆ويازين بحر الحب خداع
- 10أخذت من غزلان برك◆ومن الوضيحي ماخذ ادماع
- 11ومن الظبي ماخذ مفرك◆عين اشقرن ع كف فزاع