الشوك
سعود البابطين8 verses
- 1الظاهر تعود على اللي يسويه◆ان قلت له مجروح صد و تبرا
- 2ما همه اللي صار في قلب مغليه◆جلد ٍ ماهو جلده على الشوك جره
- 3الجرح جرح القلب وازريت اداويه◆و ياحرة المشتاق الفين حره
- 4ما جاه مني غير حاظر ولبيه◆ما جاني منه غير هم ومظره
- 5له في عيوني نظرة ٍ كلها ليه◆ونجمة غلا عدّت حدود المجره
- 6ولي في عيونه آهتن تشتعل فيه◆حلم ٍ وقف لي والمقافي المره
- 7لا خنت شخص ٍ لا تحاول تواسيه◆اللي حصل ما عاد ينساه مره
- 8ولاصرت متعود على اللي تسويه◆جلدن ماهو جلدك على الشوك جره