ظروفي ماتساعني
سعد الخريجي6 verses
- 1ظروفي ماتساعني علي المسفار يالغالي◆انا ودي معك ارحل وكل الناس اخليها
- 2اذا تقدر تأجلها تريث يابعد حالي◆الين الله يكتب لي معك سفره ونمشيها
- 3عقب مازانت الدنيا معك ياطيب الفالي◆تروح ابعيد عن عيني ولا ترحم شكاويها
- 4يزيد الشوق في نفسي الا حصلتك قبالي◆اجل وشلون لاسافرت اخاف الشوق ينهيها
- 5تمنيتك تساعدني علي جرحي وغربالي◆ولا فكرت بالدنيا تفرقنا لياليها
- 6اخاف الناس تسئلني وش اللي غير احوالي◆وانا ماودي العذال تدري عن خوافيها