حكمة الله
سالم سيف الخالدي10 verses
- 1تنقضـي لاعمـار يالغـالـي حـسـوف◆وانـت وينـك ويــن عـنـي يالحبـيـب
- 2في شمالي وانت في شرقك نكوف◆تدعـي الغـربـه وانــا مثـلـك غـريـب
- 3نـحـسـب الايـــام ونـلــوم الـظــروف◆والـتـلاقـي مـالـنـا عـنــده نـصـيـب
- 4حكـمـة الله مـالـنـا عـنـهـا عـــزوف◆لـو قضينـا العمـر فـي هـم ونحـيـب
- 5إعتـرانـا مـــن رواة الـغــدر خـــوف◆وافترقـنـا لـيــت لقـيـانـا .. قـريــب
- 6لك انـا مشتـاق يـا السمـح الشفـوف◆واشياقـي فيـك يـا عمـري صعـيـب
- 7لو تشوف اللي جرالي .. لـو تشـوف◆حيـرتـي والـوجـد والـحـال الكئـيـب
- 8أستخيلـك فـي مسيـري والـوقـوف◆واتـأمــل وردة الـغـصــن الـرطـيــب
- 9كم كتبـت الشعـر واتعبـت الوصـوف◆كـم رسلـت الشـوق لعيـونـك نـديـب
- 10انت لي أسمـى المعانـي والحـروف◆انـت لـي قصـه بعـنـوان ( الحبـيـب )