ذابحني جمالك
سالم سعيد بن عايش10 verses
- 1شفت الجمال ف بعض الوجوه له ذوق◆الله يلي ذابحني جمالك
- 2و شيّ من المشاعر تسرق حقوق و حقوق◆و إنت خذيت حقوق لكن حلالك
- 3خزيتني ب عينك و نشفت العروق◆و ضيعت في دربي جميع المسالك
- 4تميت أخايل ف السما و النظر فوق◆سبحان ربي كملك في جمالك
- 5إن شفت في خدك مثل لض البروق◆و إن شفت في عينك بحور و مهالك
- 6أسرح معاهن لو إني ف يولة السوق◆مرفوق ما تنظر عيوني بدالك
- 7العنق عنق الريم و مزهّي الطوق◆لايق عليك و كل جوك صفا لك
- 8سابق حشيمه مول ما ييت مسبوق◆يعل الفرح و السعد كل يوم فالك
- 9على عدود الود تتزاحم النوق◆و رد غرامي و المثايل فدا لك
- 10اسكن ف وسط القلب أو داخل الموق◆أنا ذخيرك ف المحبة و ظلالك