تريد الهوى
سالم الجمري32 verses
- 1تريد الهوى لك على ما تباه◆وقلبك تريده يحصل مناه
- 2وخلٍ توده تريده عطوف◆صدوقٍ يعاهدك عهد الوفا
- 3فلا شفت مغرم فواده امريح◆ولا ريت خودٍ هواها صحيح
- 4فكم من متيم طعنه طريح◆جِفنّه وقالن نحن ما نباه
- 5بلاني هواهن مثل ما تشوف◆انا فرد واحد وغيري ألوف
- 6عيوني تهامل ودمعي هتوف◆وقلبي متيم وشطه عناه
- 7عن احباب قلبي أنا ما سليت◆وعن عذلكم يلحواسد صليت
- 8جزاكم على الله انا مارأيت◆على وصف خلي أحدٍ سواه
- 9سلبني وداده ولا راف بي◆وحالي امعلل وجرحي غبي
- 10ولو صاب غيري لذي حل بي◆فلا ظن يهنا بلذة عشاه
- 11عشير تلفني بكثر الصدود◆وكثر التماني وكثر الوعود
- 12يواعد ويخلف ومره يعود◆و أنا طول عمري وانا في رجاه
- 13جبرني وداد الحبيب المليح◆أنا به متيم وهو مستريح
- 14ومره نغني ومره نصيح◆وقزرت عمري على مستواه
- 15سهير الليالي حليف الغرام◆خليع مليع الحشا مستهام
- 16ونومي وقوتي وشربي حرام◆ولا يلامْ من ليعته في حشاه
- 17اشاكي واباكي ولا من يجيب◆ولالي نديم ٍ عليّه يثيب
- 18ويا عونت الله أنا مستصيب◆وجرح المحبه عسرني دواه
- 19أدور حبيبي فريد الجمال◆غضيض التصابي حسين الدلال
- 20عليه المثل من تهايا الغزال◆عيون وجيد ٍ كـجيد المهاه
- 21هلالٍ تكمل سنا بهجته◆وحياة مسرّ على غرته
- 22وورد ٍ مفتح ْ على وجنته◆وخد ٍ لبيبٍ تشعشع سناه
- 23سنا نور ثغره بروقٍ تلوح◆وريجه رحيق يداوي الجروح
- 24وريحه نسم عنبريٍ يفوح◆زكيم الهوا لو يشمّه شفاه
- 25أشبه ....... كبيض الربيب◆و....... لبيب وخصره جبيب
- 26و....... تعلا سواة الكثيب◆ايليمن تمشا يعزل لقطاه
- 27وطا بلجدم مهجتي هو وداس◆وكهرب معاليج قلبي وحاس
- 28قلبي وخلاه فيه التماس◆امشوط افيوزي ولحد طفاه
- 29تطاول قميص الحشا وملكه◆وغزلي شعا والبعد شربكه
- 30شنقني بحبل الهوا وفركه◆وخلا فوادي امعلق وراه
- 31ترى الشوق له ذوق يا عاشقين◆ومحلى المعاتب ما بين اثنين
- 32اذا ذاك مغرم وهذا ظنين◆عتاب المحبه ترى له حلاه