محمد بن زايد
زايد الرويس21 verses
- 1تضحـك .. وتغتـال الهمـوم الثقيـلـة◆وتلـوّن ايامـي مـسـرات وافــراح
- 2قبلـك مسـافـات السـعـادة طويـلـة◆وضحكتك صارت لاجمل العمـر مفتـاح
- 3لا جيت مـن شغلـي وروحـي عليلـة◆ألقاك .. وانسى مُتعب الحيـل وارتـاح
- 4تلعب ومـا شفـت ف طريقـك تشيلـه◆وتحوس حزني كنّك تقول له : ( بـاح )
- 5من فمك ( بابا ) صارت أسرع وسيلـة◆يطيـر فيهـا النـوم غـدوة ومـرواح
- 6تاقـف وقلبـي يبتسـم لــك نخيـلـه◆وان طحت .. قلبي من قبل طيحتك طاح
- 7لا صـرت تبكـي قلـت مافيـك حيلـة◆إن طال عمرك شفت من وقتـك جـراح
- 8لـي يـا محمـد ذكـريـاتٍ جميـلـة◆تخالطـت فيهـا بالافـراح الاتــراح
- 9عشـت الزمـان ب مُـرّه وسلسبيـلـه◆وعايشت به بعض الخسايـر والاربـاح
- 10لقيـت فيـه الممكـنـة ... مستحيـلـة◆والمستحيلـة ممكنـة جـد ومــزاح !
- 11شفني وانا ابـوك احتـرق فـي مليلـه◆أضحك وانا في عالـم الحـزن سـوّاح
- 12مادمـت حـر وماكـرك ف الطويـلـة◆أسمع كلام اللـي مـن النـاس نصّـاح
- 13رجـلٍ يسـاوي فـي فعـولـه قبيـلـة◆تلقاه مـن طيبـه مـع الغيـر نضّـاح
- 14والخـل دايـم تعرفـه مــن خليـلـه◆والحر يلقطهـا علـى طـول .. لمّـاح
- 15مـا يسبقـنّ الا الخـيـول الأصيـلـة◆ومن راح لا تنشد إذا راح .. من راح ؟؟
- 16خـذ مـن سميّـك مكسبـه للجميـلـة◆والوقفـة اللـي تثلـج صـدور وارواح
- 17اسمك على اسمـه وانـت خلـه دليلـه◆تمشي علـى نهجـه مبـرات واصـلاح
- 18راع الصفـات النـادرة ينعـنـي لــه◆الشيخ وابـن الشيـخ كسّـاب الامـداح
- 19تفـدا يمينـه كــل يمـنـىٍ بخيـلـه◆ويفداه من هو طيـب يمنـاه مـا فـاح
- 20خـذ يـا محمـد مـن محمـد سبيـلـه◆ومن نجد شف في وسط ابوظبي مصباح
- 21يابـوك وان شلـت الهـمـوم الثقيـلـة◆عنّز عليـه وينقلـب حزنـك افـراح !