مترفة
زايد الرويس25 verses
- 1مـــا علـيـهـا الا !! يـجـيـهـا !◆مـــا تـبـيــه .. وتشـتـهـيـه ..
- 2تدخل الغرفة وهي ترفل بما طال ! وقصر !◆مــن قــوام .. ومـــن حـريــر
- 3وتـتـجـه لاقـــرب أريــكــه ..◆وقـــبــــل تــجـــلـــس !
- 4ومـن قبـل يـرتـد إليـهـا طرفـهـا !◆فـنـجـان قـهـوتـهـا يـجـيـهـا ..
- 5بـكـل مــا بــه مــن سخـونـة !◆يـشـتـهـيـهـا ! وتـشـتـهـيــه !
- 6ومـــا عـلـيــه الا يـجـيـهـا !!◆ومـو مهـم مــن يـشـرب الثـانـي !
- 7ولكـن الأهـم إنـه تشبّـث فـي يديـهـا◆قـدر مـا كانـت تبيـه وهـو يبيهـا ..
- 8وقـبـل مــا يُـشـبـع فـضـولـه ..◆مـــــــن شـفـايــفــهــا !
- 9تــغــيّـــر رأيــــهــــا ..◆وتـتـجـه لأقـــرب أريــكــة ..
- 10تـسـكـن ب قـــرب الـسـريـر ..◆وتـــســــتــــريــــح !!!
- 11تعشـوشـب الأحــلام ف يـديـهـا ..◆وهـــــــي تــحـــتـــار..
- 12وش تــخــتــار تــلــبــس ؟◆ووش يناسب جوّها الليلة مـن الأحـلام ؟
- 13وتـــــغـــــمّــــــض !!◆.. عـشــان تـوّقــف الـحـيـرة !
- 14وعـشــان تــوّقــف الـغـيــرة !◆وتــبــدا تــمــرر يـديـهــا ..
- 15والقميـص اللـي يتشبّـث فــي يديـهـا◆يـمـســي الـلـيـلـة عـلـيـهـا !!
- 16بـكـل مــا بــه مـــن جـنــون◆ومــــــــن إثــــــــارة !
- 17وأيــهــم أكــثــر إثـــــارة !◆الإجـابــة تـخـتـلـف طـبـعــاً !
- 18حـســب نــــوع الإنــــارة !!!◆تصحـى علـى آخـر حـلـم داعبـهـا
- 19ومــــا أرضــــى تـرفـهــا !◆وقــبــل تـفــتــح عـيـنـهــا
- 20تــشــبـــك يــديـــهـــا ..◆كـنّـهــا تــــدوّر عـلـيـهـا !!
- 21وتـــبــــدأ تــخـــمّـــن ..◆وش لـبــســت الــبــارحــة ؟
- 22أو .. وش مـــــا لــبــســت ؟◆وينـتـهـي التخـمـيـن عــــادة ..
- 23ب نـــصــــف عـــيــــن !◆والــــقــــمــــيــــص !!
- 24يـعــرف أي غـلـطـة اقتـرفـهـا !◆ولـيـه مــا أرضـــى تـرفـهـا ؟؟
- 25مُـــــتـــــرفـــــة ......◆هـو فيـه أحــد يـرضـي ترفـهـا !!