ضاع الجمل والحمل والحمال
زايد الرويس12 verses
- 1هزيت غصن الذكريات ومال◆عمري لــ حلمٍ ما لقى تأويل
- 2أجمل سنيني عشتها رحـــّال◆يا ضيعة أحلامٍ بلا تحصيل
- 3أتعبت نفسي والحمول ثقال◆وما بين دجلة ضيقتي والنيل:
- 4ضاع الجمل والحمل والجمـّال◆ما بين احط حكايتي واشيل
- 5يا دمعتيني .. والتعب همــّال◆اللي تبي منكم تسيل ! تسيييييل !!
- 6أدري صعيبة دمعة الرجّال◆لا صارت جروحه هي المنديل !
- 7الله يسامح مستريح البال◆يضحك وصبحه في عيوني ليل
- 8يا صاحبي .. ما عادها الآمال◆تثمر ولا لاسبابها تعليل
- 9صبيت ياسي وامتلى الفنجال◆وقهويت عمري والجروح الهيل
- 10ضربت باكبر حزني الأمثال◆وما للمواجع وجه للتجميل
- 11ما كل شيٍ ينعرف ينقال◆والمختصر يكفي عن التفصيل
- 12المرجلة ماهيب راس المال◆في هالزمان المرجلة : تطبيل