شاعر ولكنه من الغاوون
زايد الرويس15 verses
- 1يا ليل لا تسأل عن المطعون◆لو سال حزنه فــ أودية ذكراه
- 2مخنوق ودموعه بدون عيون◆وصرخاته المرّة بدون شفاه
- 3يكتب وجع والناس ما يقرون◆بين السطور إن قال جرحه آآآه
- 4تعبت .. يا هذا الأسى المدفون◆كنك جمر .. وحكايتي تاطاه
- 5الوقت يمضي والفرح مسجون◆ولو فكك قيوده بـــ لحظة تاه !
- 6ما عاد لأحلامي طعم أو لون◆ولا عاد لي رغبة ولا مشهاه
- 7أقول يا حزني علي تمون◆تامر وأمرك ما قدرت اعصاه
- 8أصبح يقيني فــ الحياة ظنون◆ألقى الفرح أو يا ترى ما القاه ؟!
- 9أجمل سنيني سافرت من دون◆أكتب بها مستقبلي واقراه
- 10في هالزمان العاقل : المجنون◆يضحك له أهل المال واهل الجاه
- 11يا ليل لا من شفتني محزون◆ولقيت ما لي فالزمان أشباه
- 12قل كان واحد .. بس ! به مليون◆طعنة وجرح وضيقة ومأساه
- 13شاعر .. ولكنه مع الغاوون◆الشعر في نزوة شباب أغواه
- 14يا ليل : بكره تنفرج وتهون◆واللي ذكرته من حزن .. بانساه
- 15يا ليل .. لو تسأل عن المطعون◆بتشوف حزنه فــ أودية ذكراه