ست الكل
زايد الرويس17 verses
- 1طفلة النور والصبح وحديـث السحـاب◆أم الاحلام ( ست الكـل ) كـل القلـوب
- 2فاتنه مـن حلاوتهـا يضيـع الجـواب◆طاهره مـن برائتهـا تمـوت الذنـوب
- 3ساطعه مثل شمسٍ مـا عليهـا حجـاب◆مورقـه مثـل غصـنٍ ميلتـه الهبـوب
- 4تسرق السمع لامن سولفت والـف بـاب◆ينفتح لا تخطّت مثـل شمـس الغـروب
- 5شامخه كنها طويـق وعليـك الحسـاب◆تحضن الغيم لين يذوب مـدري تـذوب
- 6تختصر كل واقع ليـن يصبـح سـراب◆مترفه كـل اوامرهـا بحكـم الوجـوب
- 7مُخجِله في تواضعهـا وسمحـة جنـاب◆من رفع نظرته عنهـا تـراه مغصـوب
- 8مدرسه في تعاملهـا وحُسـن الخطـاب◆من صدفها يحس انّـه ملـيّ بالعيـوب
- 9عطرها انفاسهـا ودّى خبرهـا وجـاب◆كل عقلٍ ثقيـل وكـل رجـلْ مْحسـوب
- 10ما تشابه سواهـا بـس مثـل الضبـاب◆يعمي العين عن غيره وصدقـه كـذوب
- 11كنها الفرق مابيـن الخطـا والصـواب◆حلمها علم نوب ) ( وعلمها حلم نوب )
- 12تعشق بصمت وان هامت تهيـم بعـذاب◆لين تقلب رضا وجه الهـواوي شحـوب
- 13تستلـذ الزعـل وتـمـرّره بالعـتـاب◆والرضا لا رضتْ سحرٍ يلـف الـدروب
- 14كل ما خاصمتني قلـت قلبـي مُصـاب◆وكل ما سامحتنـي قلـت والله لا اتـوب
- 15ضعت منها ومعها ضعت والوقت شـاب◆كل ما اطرد وراها شفت كيف الهـروب
- 16علّقتنـي وخلتنـي ل جـرح الغـيـاب◆لين صار اصغر جروح الغياب مْحبـوب
- 17ويوم ردّت لقلبي شفت كيـف السحـاب◆يمطر احـلام ويصحّـي نـداه القلـوب