ختامها مسك
زايد الرويس18 verses
- 1يسعد مسا قلبـك ويسعـد نواعسـك◆ويسعد مسا نبرات صوتك ومغنـاك
- 2تفضلي بسـم الـذي دوم حارسـك◆نامي وخلي قلبـي يضـم ذكـراك
- 3لو كنت احسد وسادتك مع ملابسك !◆كلـي ولـه لمعانقـك يـوم لقيـاك
- 4قدام امـد يديـن شوقـي تلامسـك◆باغمّض عيونـي ولـه واتحـراك
- 5بالعشق لو ما كنت باسلوب امارسك◆ما كنت من عامين صبـر اتمنـاك
- 6كوني بحر .. يمكن تمادى نوارسك◆والرمل يحضن مدّك ويختصر ماك !
- 7وتطمّني .. ما غيرك احدٍ ينافسـك◆أنتي هنا .. والعالم بكبـره هنـااااك
- 8يا مهرتي وان كان مانيب فارسـك◆عيبٍ علي الثم مـن اللهفـة شفـاك
- 9ولو المحبـة دايـم ختامهـا مسـك◆ما كانت الورده يجي حولها اشـواك
- 10جيتك من البرد مستوحش من اسراره◆أقطف لك الشوق وآقـدّم لـك وروده
- 11البارحة ! كانت الأعصـاب منهـاره◆وكنت اتحيّن عشانك لحظـة العـوده
- 12للحب وادفا غرامٍ شـب بـي نـاره◆وابواب شعرٍ بقت كم يوم موصـوده
- 13يا طفلة الغيم واعذب واجمل امطاره◆شربت برقك قبل لا تصرخ رعـوده
- 14يا مسك( مِسكك ختام ) انسابت انهاره◆يا ست قلبي ويـا جـوده وموجـوده
- 15إشتقت لك والغريـب يحـنّ لديـاره◆لا ثار في داخلـه ملحـه وبـاروده
- 16كل الروايات ينسجهـا مـن افكـاره◆وكل الحقايق على شفّتـك مرصـوده
- 17أبحضنك ليييين قلبك يلفـظ اسـراره◆وابتنفسـك صـبـحٍ مـالـت وروده
- 18وابقطف الشوق أو باقطف لك ازهاره◆وابقطفك من هنـا للعمـر وحـدوده